Людзікаўская карэльская мова

Лю́дзікаўская мова — мова прыбалтыйска-фінскае падґрупы фіна-волскае ґрупы фіна-вугорскае галіны ўральскае моўнае сям’і, на якой размаўляе лякальная ґрупа карэлаў людзікі. Часта разам з уласнакарэльскай, лівікаўскай карэльскай і цьверскай карэльскай мовамі лічыцца адной з гаворак агульнае карэльскае мовы. Як і іншыя карэльскія мовы, людзікаўская карэльская мова мае свой уласны літаратурны стандарт.

Людзікаўская карэльская мова
Lyydin kiel'
Ужываецца ў	Расеі
Рэгіён	усходні поўдзень Карэліі
Колькасьць карыстальнікаў	прыкладна 3 000 чал.[1]
Клясыфікацыя	Уральская сям’я Фіна-вугорская галіна Фіна-волская група Прыбалтыйска-фінская падгрупа
Афіцыйны статус
Афіцыйная мова ў	—
Дапаможная мова ў	рэспубліцы Карэлія[2] мова нацыянальнае меншасьці
Рэгулюецца	—
Статус:	7 Нясталы[d][3]
Пісьмо	лацінскае пісьмо[d] і карэльскі альфабэт[d]
Коды мовы
ISO 639-1	—
ISO 639-2(Б)	—
ISO 639-2(Т)	—
ISO 639-3	lud
SIL	lud

На людзікаўскай мове размаўляюць на ўсходнім поўдні рэспублікі Карэлія, у раёне заходняга ўзьбярэжжа Анескага возера — на тэрыторыі Кандапоскага, Пражынскага і Прыанескага раёнаў.

Агульная характарыстыка

Пісьмовасьць

Да ХІХ стагодзьдзя кнігавыданьне на карэльскай мове практычна не вялося, пакуль у 1820 годзе кірылічным шрыфтам не было выдадзена Эванґельле ад Мацея. У гэтыя часы не існавала адзінага літаратурнага стандарту і артаґрафіі мовы, у выніку чаго альфабэты розных выданьняў адрозьніваліся адзін ад аднаго.

У савецкія часы, у 1931 годзе для карэльскае мовы быў створаны лацінскі альфабэт, але ў 1937 годзе ён быў зноў пераведзены на кірылічную аснову.

Дыялекты

Людзікаўская мова падзяляецца на 3 гаворкі: кандапоскую, міхайлаўскую і пражынскую.

Грамадзкае жыцьцё

Паводле закону рэспублікі Карэлія аб дзяржаўнай падтрымцы карэльскае, вэпскае й фінскае моваў карэльскія мовы маюць магчымасьць на атрыманьне дапамогі з боку дзяржавы, а таксама могуць ужывацца ў дзяржаўных, навучальных установах і сродках масавае інфармацыі, ґарантуецца права на атрыманьне адукацыі на карэльскіх мовах. Але нягледзячы на гэта, ніводная з карэльскіх моваў ня мае статусу дзяржаўнай у рэспубліцы Карэлія^[4].

На людзікаўскай мове выходзіць ґазэта Lyydilaine.

Спасылкі

• Sanakirju-Словарь-Sanakirja (рас.),  (фін.) — карэльска-расейска-фінскі слоўнік
• Портал «Финно-угорские библиотеки России». Электронная коллекция изданий на карельском языке (рас.)