Ляжынскі сельсавет

Ля́жынскі сельсавет — былая адміністрацыйна-тэрытарыяльная адзінка ў складзе Бярэзінскага раёну Менскай вобласьці. Адміністрацыйны цэнтар — вёска Ляжына.

Гісторыя

20 жніўня 1924 году створаны Белічанскі сельсавет у складзе Бярэзінскага раёну Барысаўскай акругі. 16 ліпеня 1954 году сельсавет перайменаваны ў Ляжынскі. 25 сьнежня 1962 году раён скасаваны, сельсавет далучаны да Ігуменскага раёну. 6 студзеня 1965 году сельсавет перададзены адноўленаму Бярэзінскаму раёну.

21 сьнежня 2007 году сельсавет ліквідаваны, вёскі Вялікія Лагі, Жарамец, Камісарскі Сад, Малыя Лагі, Пагулянка, пасёлкі Зялёны Гай, Калініна, Купы, Паўлаўка, Чырвоны Дар перададзеныя Паплаўскаму сельсавету; вёскі Баравіно, Белічаны,Ляжына перададзеныя Ўшанскаму сельсавету^[1].