Бярэзінскі раён

Бярэ́зінскі раён — адміністрацыйна-тэрытарыяльная адзінка на ўсходзе Менскай вобласьці Беларусі. Плошча раёну складае 1,9 тыс. км². Насельніцтва на 2018 год — 22 015 чалавек^[2]. Адміністрацыйны цэнтар — места Бярэзань.

Бярэзінскі раён лац. Biarezinski rajon
Герб
Агульныя зьвесткі
Краіна	Беларусь
Статус	раён Беларусі
Уваходзіць у	Менская вобласьць
Адміністрацыйны цэнтар	Бярэзань
Дата ўтварэньня	17 ліпеня 1924
Кіраўнік	Дзяніс Дзішук[d][1]
Насельніцтва (2018)	22 015[2]
Шчыльнасьць	11,3 чал./км²
Плошча	1941,25[3] км²
Вышыня па-над узр. м.  · сярэдняя вышыня	151 м[4]
Месцазнаходжаньне Бярэзінскага раёну
Мэдыя-зьвесткі
Часавы пас	UTC +3
Тэлефонны код	+375-17-15
Паштовыя індэксы	223 3хх
Афіцыйны сайт
Дадатковыя мультымэдыйныя матэрыялы

Геаграфічнае становішча

Мяжуе з Барысаўскім, Ігуменскім, Крупскім раёнамі Менскай вобласьці, Асіпавіцкім, Бялыніцкім і Клічаўскім раёнамі Магілёўскай вобласьці.

Рэльеф і карысныя выкапні

Разьмяшчаецца ў межах Цэнтральнабярэзінскай раўніны. Паверхня палогахвалістая і раўнінная. Пераважаюць вышыні 160—180 м над узроўнем мора, максымальная адзнака 190,3 м (каля вёскі Мікулічы).

Клімат і расьліннасьць

Клімат умерана кантынэнтальны. Сярэдняя тэмпэратура студзеня −6,9 °С, ліпеня 17,9 °С. Сярэднярочная колькасьць ападкаў складае 684 мм Вэгетацыйны пэрыяд цягнецца 187 дзён.

Лясы (хваёвыя, бярозавыя, яловыя) займаюць 50% тэрыторыі раёну, балоты — 7,4%.

Гідраграфія

Асноўная рака — Бярэзіна з прытокамі Вушай, Жорнаўкай, Вусай, Манчай, Брусятай, Клявай.

Насельніцтва

• XXI стагодзьдзе: 2009 год — 25 031 чалавек^[5] (перапіс); 2016 год — 22 614 чалавек^[6]; 2017 год — 22 281 чалавек^[7]; 2018 год — 22 015 чалавек^[2]

Гаспадарчая дзейнасьць

Сельская гаспадарка спэцыялізуецца на мяса-малочная жывёлагадоўлі, таксама вырошчваюць зерневыя, кармавыя культуры, грэчку, бульбу. У раёне разьмяшчаюцца прадпрыемствы паліўнай, харчовай, лёгкай, ільно- і дрэваапрацоўчай прамысловасьці.

Па тэрыторыі раёну праходзяць аўтамабільныя дарогі Менск — Магілёў, зь Бярэзані на Барысаў, Клічаў, Новалукомаль. Суднаходства на Бярэзіне.

Турыстычная інфармацыя

Захаваліся помнікі архітэктуры: у в. Багушэвічы — касьцёл (XIX ст.), у в. Масьляны — Сьвята-Раства-Багародзіцкая царква (1796), у в. Муравана — сядзіба (XIX ст.), у м. Бярэзань — сядзіба (XIX ст.).

Асобы

• Валенці Ваньковіч (1800—1842) — мастак
• Гіпаліт Гараўскі (1828 — ?) — жывапісец-пэйзажыст
• Мікола Прашковіч (1932, в. Гарадзішча — 1983) — беларускі літаратуразнавец, крытык, перакладчык
• Мікола Равенскі (1886—1953) — кампазытар, аўтар музыкі да гімну "Магутны Божа