Ляцкае (вадасховішча)

Ля́цкае, Белаве́ская пу́шча, Камяне́цкае, Перавало́цкае — вадасховішча на тэрыторыі Белавескай пушчы, у Камянецкім раёне Берасьцейскай вобласьці Беларусі. Знаходзіцца за 12 км ад вусьця ракі Перавалокі, за 25 км на поўдзень ад Каменцу, ля вёскі Ляцкія.

Вадасховішча Ляцкае Панарама Ляцкага Вадасховішча Ляцкае Краіна Беларусь Плошча 3,32 км² Плошча вадазбору 51 км² Максымальная глыбіня 1,95 м Сярэдняя глыбіня 0,7 м Найбольшая даўжыня 3,5 км Найбольшая шырыня 1,5 км Аб’ём вады 0,0021 км³ Каардынаты 52°37′34″ пн. ш. 23°51′24″ у. д.

Месцазнаходжаньне Ляцкага Ляцкае

Выкарыстаньне

Вадасховішча створанае ў 1964 року паводле праекту Белгіправодгасу дзеля патрэбаў нацыянальнага парку Белавеская пушча. Знаходзіцца каля вёскі Ляцкія Камянецкага раёну на рацэ Перавалоцы. Рэчышчавае вадасховішча сэзоннага рэгуляваньня^[1]. Месца гнездаваньня дзікіх птушак, вядзецца таксама гадоўля рыбы^[2].

Марфалёгія

Плошча воднай паверхні — 3,3 км², даўжыня — 3,5 км, шырыня: максымальная — 1,5 км, сярэдняя — 0,96 км. Сярэдняя глыбіня — 0,7 мэтра. Аб’ём поўны — 2,1 млн м³. Розьніца адзнак нармальнага падпорнага ўзроўню (НПУ) і ўзроўню мінімальнага аб’ёму (УМА) — 0,4 мэтра. Рэчышча вадасховішча пакрытае торфам^[1].

Характарыстыкі вадазбору ў створы грэблі (на адлегласьці 12 км ад рэчышча ракі): плошча 51 км², вадазбор вельмі забалочаны, рэльеф раўнінны, большая частка пакрытая лясамі^[1].

Гідравузел уключае земляную плаціну даўжынёй 1870 мэтраў, максымальнай вышынёй 2,95 мэтра, шырынёй па грэбні 6 мэтраў, з жалезабэтоннымі вадаскідамі і двума вадавыпускамі^[1]

Гідралягічныя характарыстыкі

Сярэдні гадавы сьцёк за шматгадовы пэрыяд 6,6 млн м³, у тым ліку ў разводзьдзі (з красавіка да траўня) 3,3 млн м³. Сілкаваньне ракі — зьмяшанае, зь перавагай сьнегавога^[1].

Іхтыяфаўна

Іхтыяфаўна вадаёму даволі багатая, там жывуць шчупак, лін, карась, джгір, карп, язь, акунь^[3].