Ліга нацыяў УЭФА

Ліга нацыяў УЭФА^[1] (па-ангельску: UEFA Nations League) — двухгадовае міжнароднае футбольнае спаборніцтва эўрапейскіх мужчынскіх нацыянальных зборных, заснаванае ў 2018 року.

Ліга нацыяў УЭФА
Заснаваны	2018
Колькасьць камандаў	55
Вэб-сайт	uefa.com
Ліга нацыяў УЭФА 2018—2019 гадоў

У першым сэзоне ўсе ўдзельнікі былі падзеленыя на чатыры групы, пераможцы якіх згуляюць у «матчы чатырох», а таксама аўтаматычна трапляюць у фінальную частку ЧЭ-2020.

Мінуўшчына

У кастрычніку 2013 прэзыдэнт Нарвэскай футбольнай асацыяцыі Юнгвэ Гален пацьвердзіў намер стварыць для чальцоў УЭФА трэці міжнародны турнір нацыянальнага ўзроўню^[2]. Турнір пакліканы палегчыць ці замяніць правядзеньне таварыскіх матчаў.

27 сакавіка 2014 року на XXXVIII чарговым кангрэсе УЭФА ў Астане прапанова стварэньня Лігі нацыяў была адзінагалосна падтрыманая ўсімі 54 краінамі-сябрамі УЭФА^[1].

Фармат

55 нацыянальных зборных УЭФА (дадалося Косава) падзяляюцца на чатыры лігі (дывізіёны)^{[1][3][4][5][6]}: 12 камандаў у лізе A, 12 камандаў у лізе B, 15 камандаў у лізе C і 16 камандаў у лізе D. Кожная зь лігаў падзяляецца на чатыры групы (па тры ці чатыры каманды), унутры якой гуляюць па кругавой сыстэме дома і ў гасьцёх.

Пераможцы чатырох групаў найвышэйшага дывізіёну — Ліга A — гуляюць у фінале Лігі нацыяў з двума паўфіналамі і фіналам.

Паміж лігамі адбываецца ратацыя: пераможца кожнай з чатырох групаў лігі аўтаматычна пераходзіць у вышэйшую лігу з наступнага сэзону, а каманда, якая заняла апошняе месца, выбывае ў ніжэйшую лігу.

Ліга нацыяў УЭФА дазваляе таксама кваліфікавацца на Чэмпіянат Эўропы па футболе. Акрамя «фіналу чатырох» у Лізе A, будуць праводзіцца яшчэ чатыры плэй-оф у падобным фармаце. Перамжца кожнай з групаў выходзіць у паўфінал. Калі пераможцам ёсьць ужо адна з кваліфікаваных зборных, ейнае месца займае наступная паводле рэйтынгу. Калі ва ўсёй лізе засталося меней за чатыры некваліфікаваныя зборныя, месцы ў плэй-оф гэтай лігі дастаюцца камандзе зь ніжэйшае лігі. Паміж імі разьмяркоўваюцца 4 пуцёўкі на ЧЭ (з 24 агулам)^[5][6][7].

Кожны сэзон Лігі нацыяў будзе гуляцца ў верасьні — лістападзе няцотнага року (групавы этап) і сканчацца ў чэрвені наступнага (фінал чатырох Лігі A)^[5][6][7].

Фіналы чатырох

Сэзон	Месца		Фінал				За 3-е месца
			Пераможца	Вынік	2-е месца		3-е месца	Вынік	4-е месца
2018—19	Партугалія		Партугалія	1:0	Нідэрлянды		Ангельшчына	0:0 (6:5, пэн.)	Швайцарыя

Глядзіце таксама

• Ліга нацыяў КАНКАКАФ