Лідзея

Лідзе́я, Ліда, Лідзейка — рака ў Беларусі, левы прыток ракі Дзітвы (басэйн Нёмана). Цячэ ў Лідзкім раёне Гарадзенскай вобласьці. Даўжыня 31 км. Плошча вадазбору 167 км². Выдатак вады ў вусьці 1,2 м³/с. Сярэдні нахіл воднай паверхні 0,9 ‰.

Рака

Лідзея лац. Lidzieja
Агульныя зьвесткі
Выток	каля в. Верх-Ліды
Вусьце	Дзітва
Краіны басэйну	Беларусь
Вобласьці	Гарадзенская вобласьць
Даўжыня	31 км
Сярэднегадавы сьцёк	1,2 м³/с
Плошча басэйну	167 км²
Нахіл воднай паверхні	0,9 ‰

Асноўныя прытокі

• Астраўлянка, Нарва

На рацэ

• Места: Ліда
• Помнік гісторыі і архітэктуры: Лідзкі замак

Агульныя зьвесткі

Пачынаецца каля вёскі Верх-Ліды, упадае ў Дзітву за 1 км на ўсход ад вёскі Даржаў.

Даліна ад вытоку да вёскі Лайкоўшчыны выразная, шырыня яе 1—2 км. Абалона перарывістая (шырыня ў асноўным 0,5—0,8 км), ніжэй за вёску Навапрудцы і да вусьця парэзаная мэліярацыйнымі каналамі. Рэчышча на працягу 20 км каналізаванае: ад вытоку да сажалкі (плошча 0,6 км²) у месьце Лідзе (6 км) і ад вёскі Навіцкіх да вусьця (14 км); яго шырыня 6—12 м. Берагі спадзістыя^[1].