Пасака

Па́сака^[1][2][3] (лац. lympha — вільгаць, чыстая вада, трасьліт. лімфа) — разнавіднасьць злучальнай тканкі.

Пасачная або Лімфатычная сыстэма чалавека

Функцыі

Функцыі пасакі — вяртаньне бялкоў, вады, соляў, таксінаў і мэтабалітаў з тканак у кроў. У арганізьме чалавека зьмяшчаецца 1—2 літры пасакі. Лімфатычная сыстэма ўдзельнічае ў стварэньні імунітэту, у абароне ад хваробатворных мікробаў. Па пасачных судзінах пры абязводжваньні і агульным зьніжэньні ахоўных сіл імунітэту магчыма распаўсюджваньне паразытаў: найпрасьцейшых, бактэрыяў, вірусаў, грыбкоў і інш., што называюць лімфагенным шляхам распаўсюджваньня інфэкцыі, інвазіі або мэтастазаваньня.