Магольская мова

Магольская мова — мова мангольскае моўнае сям'і, на якой размаўляюць вызначаныя чальцы хазарэйскае супольнасці^[2], колькасьць якіх налічвае 200 чалавек. Носьбіты мовы пражываюць у навакольлях места Герат у Аўганістане, а менавіта ў паселішчах Кундур і Карэз-і-Мула. Маголы ўважаюць сябе нашчадкамі аселых у Аўганістане мангольскіх воінаў, пасланых на пачатку ХІІІ ст. Чынгісханам для аховы земляў у Аўганістан.

Магольская мова
Ужываецца ў	Аўганістане
Рэгіён	навакольлі Герату
Клясыфікацыя	Алтайскія мовы Мангольскія мовы Магольская мова
Афіцыйны статус
Афіцыйная мова ў	—
Дапаможная мова ў	—
Рэгулюецца	—
Статус:	9 згаслы[d][1]
Коды мовы
ISO 639-1	—
ISO 639-2(Б)	—
ISO 639-2(Т)	mhj
ISO 639-3	mhj
SIL	—

У 1970 годзе нямецкім дасьледчыкам Міхаэлем Ваерсам было ўстаноўлена, што большасьць насельніцтва не размаўляе на мове, маюцца пасіўныя веды мовы, а большасьць носьбітаў складаюць людзі старэйшыя за 40 гадоў.

Мова бесьпісьмовая, аднак маюцца запісы арабскай пісьмовасьцю (у тым ліку тэксты вершаў, напісаных у пачатку ХХ ст. паэтам Абд аль-Кадзірам).

Некаторыя зьвесткі

Лічэбнікі магольскае мовы

Прыводзіцца параўнаньне магольскіх лічэбнікаў з мангольскімі ды іхныя адпведнікі па-беларуску. У мангольскім і магольскім запісах выкарыстоўваецца трансьлітарацыя лацінскім альфабэтам.

	Беларуская	Мангольская	Магольская
1	Адзін	Nigen	Nika
2	Два	Qoyar	Qyor
3	Тры	Ghurban	Qurbun
4	Чатыры	Dorben	Durbon
5	Пяць	Tabun	Tuwan
6	Шэсьць	Jirghughan	Jurghan, Shish
7	Сем	Dologhan	Jolan, Huft
8	Восем	Naiman	Hushtu
9	Дзевяць	Yisun	No
10	Дзесяць	Arban	Arbon, Da