Майкл Оўэн

Майкл Джэймз Оўэн (па-ангельску: Michael James Owen; нар. 14 сьнежня 1979 году, Чэстэр, Ангельшчына) — былы ангельскі футбаліст, гуляў на пазыцыі нападніка. Былы гулец нацыянальнай зборнай Ангельшчыны, за якую дэбютаваў ува ўзросьце 18 гадоў і 59 дзён. Займае чацьвертае месца ў сьпісе бамбардзіраў зборнай Ангельшчыны па футболе, забіўшы за яе 40 галоў. Оўэн ёсьць адзіны гулец зборнай Ангельшчыны, які забіваў галы на чатырох чэмпіянатах, то бок двух чэмпіянатах Эўропы й двух чэмпіянатах сьвету.

Майкл Оўэн
Пэрсанальная інфармацыя
Нарадзіўся	14 сьнежня 1979(1979-12-14)[1][2] (45 гадоў) Чэстэр[d], Ангельшчына, Вялікабрытанія
Рост	172 см
Вага	70 кг
Пазыцыя	нападнік
Клюбы
Гады	Клюб	Гульні (галы)¹
1995—2004	Лівэрпул	216 (118)
2004—2005	Рэал Мадрыд	36 (13)
2005—2009	Ньюкасл Юнайтэд	71 (26)
2009—2012	Манчэстэр Юнайтэд	31 (5)
2012—2013	Сток Сіці	8 (1)
Зборныя
1997	Ангельшчына (да 20)[d]	4 (3)
1997	Ангельшчына (да 21)[d]	1 (1)
1998—2016	Ангельшчына	89 (40)
	Ангельшчына (да 16)[d]
	Ангельшчына (да 18)[d]

Кар’ера

У сьнежні 1996 году ўва ўзросьце 17 гадоў Майкл падпісаў свой ​​першы прафэсійны кантракт зь «Лівэрпулам». Раней, у тым жа годзе ён пасьпяхова выступаў за юнацкую каманду гэтага мэрсысайдзкага клюбу, выйграўшы зь ім Кубак Ангельшчыны сярод юніёраў. Ужо тады ў Ангельшчыне Майкл лічыўся адным з самых пэрспэктыўных футбалістаў-юнакоў у краіне.

Зборная

Пасьля бліскучага сэзону Майкл Оўэн быў уключаны ў заяўку зборнай Ангельшчыны на чэмпіянаце сьвету 1998 году ў Францыі.

Асабістае жыцьцё

Майкл Оўэн нарадзіўся ў сям’і прафэсійнага футбаліста Тэры Оўэна, які выступаў за «Эвэртан». Ягоная сям’я ёсьць даволі вялікай, у яго два браты — Тэры й Эндру, і дзьве сястры — Карэн і Лэсьлі. Оўэн жанаты са сваёй сяброўкай дзяцінства Люізай Бонсал, зь якой пазнаёміўся яшчэ ў школе. Ён выхоўвае зь ёй чацьвярых дзяцей: дачок Джэму Роўз, Эмілі й Джэсыку, і сына Джэймза Майкла.

Дасягненьні

Лівэрпул:

• Уладальнік Кубка Ангельшчыны: 2001
• Уладальнік Кубка Футбольнай Лігі (2): 2001, 2003
• Уладальнік Супэркубка Ангельшчыны: 2001
• Уладальнік Кубка УЭФА: 2001
• Уладальнік Супэркубка УЭФА: 2001

Манчэстэр Юнайтэд:

• Чэмпіён Ангельшчыны: 2011
• Уладальнік Кубка Футбольнай Лігі: 2010
• Уладальнік Супэркубка Ангельшчыны: 2010