Ньюкасл Юнайтэд

«Ньюка́сл Юна́йтэд» (па-ангельску: Newcastle United Football Club — «Аб’яднаны футбольны клюб Ньюкаслу») — прафэсійны ангельскі футбольны клюб з гораду Ньюкасл-апон-Тайн, на паўночным усходзе Ангельшчыны. Заснаваны ў 1892 годзе. Чатырохразовы чэмпіён Ангельшчыны, шасьціразовы ўладальнік Кубка Ангельшчыны. Хатні стадыён «Юнайтэд», «Сэнт-Джэймз Парк», быў адчынены ў 1880 годзе. Ён уваходзіць у чацьвёрку найбуйнейшых футбольных стадыёнаў у Ангельшчыне й умяшчае каля 52 тысячаў балельшчыкаў.

Ньюкасл Юнайтэд
Поўная назва	па-ангельску: Newcastle United Football Club
Заснаваны	9 сьнежня 1892
Горад	Ньюкасл-апон-Тайн, Ангельшчына
Стадыён	Сэнт-Джэймз Парк Умяшчальнасьць: 52 409
Прэзыдэнт	Ясір аль-Румаян[d]
Галоўны трэнэр	Эдзі Гаў[d][1]
Чэмпіянат	Прэм’ер-Ліга
· 2024—2025	5 месца
Хатнія колеры Выязныя колеры Трэція колеры
Галерэя здымкаў у Вікісховішчы newcastleunited.com (анг.)

Клюб мае сталага суперніка «Сандэрлэнд», дэрбі зь якім мае назоў Тайр-Ўірскае дэрбі і праводзіцца з 1898 году. Традыцыйнымі колерамі клюбу ёсьць чорна-белыя паласатыя кашулі, чорныя трусы й чорныя шкарпэткі. Іхная традыцыйная эмблема мае элемэнты гарадзкога гербу, які ўключае ў сябе дзьвюх канярыбкаў.

Сымболіка

Эмблема

Цяперашняя эмблема «Ньюкасл Юнайтэд» была ўпершыню выкарыстана ў сэзоне 1888—1889 гадоў^[2]. Ейны дызайн заснаваны на гербе гораду, які знаходзіўся ў звароце яшчэ з XIV стагодзьдзя й быў афіцыйна прыняты ў 1954 годзе^[3]. Як на гербе Ньюкаслу, гэтак і на эмблеме мясцовага клюбу намаляваныя два гіпакампусы, якія «адлюстроўваюць моцную ўзаемасувязь Тайнсайду з морам». У арыгінальным гербе гораду «мітычныя марскія канькі» таксама выступаюць як захавальнікі замка Ньюкаслу. Матыў гэтага замка знайшоў адлюстраваньне й у эмблеме «сарокаў» — у выглядзе вежы, якая сыбалізуе самы раньні пэрыяд у гісторыі гораду^[2][3]. Залаты леў на вяршыні гэтай вежы таксама прысутнічае на абодвух геральдычных знаках. Але калі на гербе Ньюкаслу леў трымае вымпел з крыжам Сьвятога Георгія на традыцыйным белым фоне, то для эмблемы футбольнага клюбу гэты фон быў трансфармаваны ў блакітны. Поўнае зьмяненьне зьведаў і шчыт — цэнтральны элемэнт эмблемы, чыё першапачатковае напаўненьне замянілі чорна-белыя палосы з хатняй формы «Ньюкаслу».

У якасьці першай эмблемы, якую калі-небудзь выкарыстаў клюб, выступіў той жа герб Ньюкаслу-эпон-Тайну: ён зьявіўся на кашулях у фінале Кубка Ангельшчыны 1920 году, а таксама на некалькіх гульнях Лігі ў наступным сэзоне^[4]. Працягваючы ўзьнікаць на ўсіх кубкавых фіналах, герб больш не выкарыстоўваўся ва ўнутраным першынстве да 1969 году, калі ў некалькі зьмененым выглядзе стаў неад’емным атрыбутам формы «Ньюкаслу».

Трафэі

• Чэмпіён Ангельшчыны:
  • 1905, 1907, 1909, 1927
• Кубак Ангельшчыны:
  • 1910, 1924, 1932, 1951, 1952, 1955
• Кубак ангельскай лігі:
  • 2025
• Кубак УЭФА:
  • 1969
• Кубак Інтэртота:
  • 2006

Склад

Актуальны на 15 жніўня 2025 году

№ Пазыцыя Імя Год нараджэньня 2 Аб Кіран Трып’ер 1990 3 Аб Льюіс Гол  2004 4 Аб Свэн Ботман  2000 5 Аб Фабіян Шэр 1991 6 Аб Джамаал Ласэлз  (капітан) 1993 7 ПА Жоэлінтан  1996 8 ПА Сандра Таналі  2000 10 Нап Энтані Гордан 2001 11 Нап Гарві Барнз  1997 12 Аб Малік Тшаў  2001 13 Аб Мэт Таргет  1995 14 Нап Аляксандар Ісак 1999 17 Аб Эміль Крафт  1994

№ Пазыцыя Імя Год нараджэньня 18 Нап Вільям Осуля  2003 20 Нап Энтані Элянга  2002 21 Аб Тына Ліўрамэнта  2002 22 Бр Нік Поўп  1992 23 Нап Джэйкаб Мэрфі  1995 28 ПА Джо Ўілак 1999 29 Бр Марк Джылісьпі  1992 30 Аб Гарысан Эшбі  2001 32 Бр Ааран Рамздэйл  (ар. Саўтгэмптан) 1998 33 Аб Дэн Бэрн  1992 37 Аб Алекс Мэрфі  2004 39 ПА Бруну Гімарайнс 1997 67 ПА Льюіс Майлі  2006