Мальёрка Пальма

«Мальёрка» (па-гішпанску: Real Club Deportivo Mallorca) ― гішпанскі футбольны клюб з гораду Пальма з вострава Мальёрка. Клюб быў заснаваны 5 сакавіка 1916 году. Быў фіналістам Кубка ўладальнікаў кубкаў у 1999 годзе. У 2003 годзе балеарцы ўпершыню ў сваёй гісторыі сталі ўладальнікамі Кубка Гішпаніі, адолеўшы ў фінале супраціў «Рэкрэатыва». Клюб гуляе ў чырвоных кашулях з чорнымі шортамі й гетрамі. Хатняя арэна завецца «Ібэрастар», якая можа ўмясьціць 23 142 гледачы.

Мальёрка
Поўная назва	Real Club Deportivo Mallorca, S.A.D.
Заснаваны	5 сакавіка 1916
Горад	Пальма, Гішпанія
Стадыён	Ібэрастар Умяшчальнасьць: 23 142
Прэзыдэнт	Эндзі Колбэрг[d]
Кіраўнік	Робэрт Сарвэр[d]
Галоўны трэнэр	Ягоба Арасатэ[d][1]
Чэмпіянат	Ля Ліга
· 2024—2025	10 месца
Хатнія колеры Выязныя колеры Трэція колеры
Галерэя здымкаў у Вікісховішчы rcdmallorca.es (кат.)​ (гішп.)​ (анг.)

Гісторыя

Першы матч «Мальёркі» супраць рэзэрвовай каманды «Барсэлёны» 25 сакавіка 1916 году.

«Мальёрка» ― найстарэйшы клюб Балеарскіх астравоў. Быў названы першапачаткова Junta Directiva del Alfonso XIII FBC у гонар караля тых часоў Альфонса XIII. Першым стадыёнам клюбу быў «Буэнас-Айрэс», што адчыніўся 25 сакавіка 1916 году гульнёй супраць «Барсэлёны», у якой «Мальёрка» атрымала паразу зь лікам 0:8. Праз год клюб зьмяніў назоў на Real Sociedad Alfonso XIII, а ў 1931 годзе прыйшлося зноўку зьмяніць назву па палітычных мэтах на Club Deportivo Mallorca. У 1949 годзе да назвы клюбу прымкнуў тытул «каралеўскі» (Real).

22 ліпеня 2008 году было заяўлена, што 96 адсоткаў акцыяў клюбу купляе ангельскі бізнэсовец Пол Дэйвідсан, але ўжо ў лістападзе таго году было высьветлена, што ў ангельца няма грошай на куплю. Праз год 19 лістапада 2009 году клюб быў выкуплены гішпанскім бізнэсоўцам Матэо Алемані.

30 сакавіка 2010 году «Мальёрка» падпісала дамову з італьянскай кампаніяй футбольнага экіпіяваньня Macron. Дамова была разьлічаная на тры сэзоны з 2010 па 2013 гады. Паводле вынікаў сэзону 2012—2013 гадоў «Мальёрка» страціла месца ў Ля Лізе. У студзені 2016 году, калі каманда была пагрозай вылету ў трэці дывізіён, клюб за крыху больш за 20 млн эўра набыў амэрыканскі інвэстар Робэрт Сарвэр і былы гулец НБА Стыў Нэш^[2]. 4 чэрвеня 2017 году каманда ўсё ж такі апусьцілася ў трэці дывізіён упершыню з 1981 году^[3]. Аднак, тамака «Мальёрка» не затрымалася, бо ўжо ў наступным сэзоне павярнулся ў другі дывізіён праз плэй-оф.

Дасягненьні

• Уладальнік Кубка Гішпаніі: 2003
• Уладальнік Супэркубка Гішпаніі: 1998

Склад

Актуальны на 17 верасьня 2025 году

№ Пазыцыя Імя Год нараджэньня 1 Бр Лео Раман  2000 2 Аб Матэў Морэй  2000 3 Аб Антоніё Ляторэ  1997 4 Аб Мараш Кумбула  (ар. Рома) 2000 5 ПА Амар Маскарэль  1993 6 ПА Антоніё Санчэс  1997 7 Нап Вэдат Мурыкі  1994 8 ПА Ману Марлянэс  1999 9 Нап Абдон Пратс  1992 10 ПА Сэрхі Дардэр  1993 11 Нап Такума Асана  1994 12 ПА Самуэл Кошта  2000 13 Бр Лукас Бэргстрэм  2002

№ Пазыцыя Імя Год нараджэньня 14 ПА Дані Радрыгес  1988 17 Нап Жан Віржылі  2006 18 Нап Матэо Хасэф  (ар. Лідс Юн.) 2003 19 Нап Хавіер Льябрэс  2002 20 ПА Паблё Торэ  2003 21 Аб Антоніё Раільлё  (капітан) 1991 22 Аб Хоан Мохіка  1992 23 Аб Паблё Мафэо  1997 24 Аб Марцін Вальент  1995 25 Бр Іван Куэльяр  1984 27 Аб Давід Лёпэс 2003 30 Нап Марк Дамэнэк  2006