Марка Фрыдль

Ма́рка Фрыдль (па-нямецку: Marco Friedl; нар. 16 сакавіка 1998 году) — аўстрыйскі футбаліст, левы і цэнтральны абаронца нямецкага клюбу «Вэрдэр» і нацыянальнай зборнай Аўстрыі.

Марка Фрыдль
Пэрсанальная інфармацыя
Нарадзіўся	16 сакавіка 1998(1998-03-16)[1][2] (27 гадоў) Кірхбіхль[d], Куфштайн[d], Тыроль, Аўстрыя
Рост	1,87 м
Вага	71 кг
Пазыцыя	скрайні абаронца
Клюбная інфармацыя
Клюб	Вэрдэр
Нумар	32
Клюбы
Гады	Клюб	Гульні (галы)¹
2015—2017	Баварыя II[d]	14 (1)
2017—2019	Баварыя	1 (0)
2018—2019	→ Вэрдэр	16 (0)
2018—2019	→ Вэрдэр II[d]	1 (0)
2019—4	Вэрдэр	167 (6)
Зборныя
2017—2020	Аўстрыя (да 21)[d]	24 (3)
2020—4	Аўстрыя	6 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 17 траўня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 10 чэрвеня 2025.

Кар’ера

Фрыдль пачаў займацца футболам у роднай Аўстрыі, але ў 2008 годзе пераехаў у Мюнхэн, каб далучыцца да акадэміі «Баварыі». Прафэсійную кар’еру запачаткаваў у другой камандзе «Баварыі» ў рэгіянальнай лізе. 14 сакавіка 2017 году склаў свой першы прафэсійны кантракт з клюбам^[3]. Да першай каманды быў падцягнуты да сэзону 2017—2018 гадоў. Спачатку згуляў 22 лістапада 2017 году ў матчы Лігі чэмпіёнаў супраць «Андэрлехту», а праз тры дні зьявіўся на пляцоўцы на матчы Бундэсьлігі супраць мёнхэнглядбаскай «Барусіі», у якой баварцы зьведалі паразу зь лікам 1:2.

25 студзеня 2018 году на правах арэнды далучыўся да «Вэрдэру» з варыянтам выкупу футбаліста^[4][5][6]. Гэтак і здарылася ў траўні 2019 году, калі «Вэрдэр» выдаткаваў крыху болей за 3 мільёны эўра^[7]. Свой першы мяч у кашулі брэмэнцаў забіў у верасьні 2019 году, пацэліўшы мяч у браму дортмундзкай «Барусіі»^[8][9]. У ліпені 2022 году падоўжыў кантракт з клюбам^[10].

Дасягненьні

«Баварыя»:

• Уладальнік Супэркубка Нямеччыны: 2017