Мартын Келі

Мартын Роналд Келі (па-ангельску: Martin Ronald Kelly; нар. 27 красавіка 1990 году, Ўістан, Ангельшчына) — ангельскі футбаліст, абаронца. Мае на сваім рахунку адзін матч у складзе нацыянальнай зборнай Ангельшчыны.

Мартын Келі
Пэрсанальная інфармацыя
Нарадзіўся	27 красавіка 1990(1990-04-27)[1] (35 гадоў) Ўістан[d], Ноўсьлі[d], Мэрсісайд, Ангельшчына, Вялікабрытанія
Рост	191 см
Вага	77 кг
Пазыцыя	скрайні абаронца
Клюбы
Гады	Клюб	Гульні (галы)¹
2007—2014	Лівэрпул	33 (0)
2009	→ Гадэрсьфілд Таўн	7 (1)
2014—2022	Крыстал Пэлас	121 (0)
2022—2024	Ўэст Бромўіч Альбіён	5 (0)
2023	→ Ўіган Атлетык	1 (0)
Зборныя
2009	Ангельшчына (да 19)[d]	5 (0)
2009	Ангельшчына (да 20)[d]	4 (0)
2010—2012	Ангельшчына (да 21)[d]	8 (3)
2012	Ангельшчына	1 (0)

Кар’ера

Клюбная

Улетку 2007 году перабраўся з акадэміі ў клюб «Лівэрпул». У інтэрвію афіцыйнаму сайту клюбу распавёў, што вельмі рады зрабіць крок уверх, пасьля таго як 2 гады прамучыўся з траўмай сьпіны. Пад кіраўніцтвам Гэры Аблета атрымаў перамогу ў спаборніцтве сярод рэзэрвовых камандаў. У сэзоне 2008—2009 гадоў трапіў у заяўку першай каманды. Дэбютаваў у асноўным складзе камандзе 9 сьнежня 2008 году ў матчы групавога этапу Лігі чэмпіёнаў УЭФА сэзона 2008—2009 гадоў супраць ПСВ, замяніўшы ў канцы матча капітана Джэймі Карагера^[2].

У канцы сакавіка 2009 году Келі быў аддадзены ў арэнду клюбу «Гадэрсьфілд Таўн», дзе ён атрымаў добрыя водгукі й забіў свой першы гол у прафэсійным футболе. Рафаэль Бэнітэс заявіў, што, пасьля сыходу з клюбу Самі Хююпія, у Келі зьявіўся шанец прабіцца ў першую каманду^[3]. Свой першы гол за клюб забіў у матчы Кубка лігі супраць лёнданскага «Чэлсі» на 63 хвіліне вызначыўшыся пасьля падачы Крэйга Бэламі.

14 жніўня 2014 году Келі далучыўся да складу «Крыстал Пэлас», падпісаўшы кантракт з клюбам на тры гады^[4]. Пакінуў «Крыстал Пэлас» па заканчэньні кантракту ў чэрвені 2022 году. У верасьні 2022 году стаў гульцом «Ўэст Бромўіч Альбіёну», але ў студзені 2023 году на правах арэнды накіраваўся да «Ўіган Атлетыку».

Міжнародная

22 траўня 2012 году Келі атрымаў свой ​​першы заклік да нацыянальнай зборнай Ангельшчыны да таварыскага матчу супраць зборнай Нарвэгіі 26 траўня 2012 году. Ён дэбютаваў выйшаўшы на замену на 87-й хвіліне, замяніўшы Філа Джонза^[5].

3 чэрвеня 2012 году быў уключаны ў склад зборнай на Эўра-2012, каб замяніць Гэры Кэгіла, які зламаў сківіцу падчас таварыскага матчу супраць зборнай Бэльгіі^[6].

Дасягненьні

«Лівэрпул»

• Уладальнік Кубка Футбольнай лігі: 2012