Марцін Васілеўскі

Ма́рцін Ры́шард Васіле́ўскі (па-польску: Marcin Ryszard Wasilewski; нар. 9 чэрвеня 1980 году, Кракаў, Польшча) — былы польскі футбаліст, абаронца. Падчас гульнявой кар’еры прыцягваўся да матчаў нацыянальнай зборнай Польшчы.

Марцін Васілеўскі
Пэрсанальная інфармацыя
Нарадзіўся	9 чэрвеня 1980(1980-06-09)[1][2][3] (45 гадоў) Кракаў, Польская Народная Рэспубліка[4]
Рост	186 см
Вага	88 кг
Пазыцыя	цэнтральны абаронца
Клюбы
Гады	Клюб	Гульні (галы)¹
1999—2000	Гутнік[d]	54 (0)
2000—2002	Сьлёнск	51 (5)
2002—2005	Вісла Плоцк	60 (3)
2005—2006	Аміка[d]	24 (4)
2006	Лех Познань	14 (5)
2007—2013	Андэрлехт	143 (20)
2013—2017	Лэстэр Сіці	61 (1)
2017—2020	Вісла Кракаў	60 (1)
Зборныя
2000—2001	Польшча (да 21)[d]	13 (0)
2002—2013	Польшча	60 (2)

Кар’ера

Васілеўскі пачынаў сваю кар’еру ў польскіх клюбах «Гутнік», «Сьлёнск» і плоцкай «Вісьле». У 2005 годзе перайшоў у «Аміку», а пасьля зьліцьця гэтай каманды зь «Лехам» стаў выступаць за гэты клюб. У студзені 2007 году ён перайшоў у бэльгійскі «Андэрлехт».

Зьяўляючыся абаронцам, Васілеўскі любіць падлучацца да нападаў і нямала для абаронцы забівае, у асноўным пасьля навесаў пры штрафных і кутніх.

30 жніўня 2009 году Васілеўскі атрымаў адкрыты пералом нагі ў матчы чэмпіянату Бэльгіі супраць «Стандарду», сутыкнуўшыся ў барацьбе за мяч з паўабаронцам Аксэлем Вітсэлем. У Васілеўскага былі зафіксаваныя пераломы вялікай і малой галёначнай косткі. Вітсэль быў імгненна выдалены з поля й дыскваліфікаваны на восем матчаў^[5]. У наступны раз Васілеўскі змог выйсьці на поле толькі 8 траўня 2010 году^[6].

Па стане на 14 верасьня 2013 году Марцін, як паведамлялася, знаходзіўся на праглядзе ў ангельскім клюбе «Лэстэр Сіці»^[7]. 17 верасьня Васілеўскі падпісаў кантракт зь «лісамі» працягласьцю на адзін год^[8].

Дасягненьні

«Андэрлехт»:

• Чэмпіён Бэльгіі: 2010, 2012, 2013
• Уладальнік Кубка Бэльгіі: 2008
• Уладальнік Супэркубка Бэльгіі: 2007, 2010