Марыля. У пошуках дзіўнікаў

«Марыля. У пошуках дзіўнікаў» — беларускі дзіцячы анімацыйны сэрыял, створаны анімацыйнай студыяй OblakoStudio адмыслова для відэасэрвісу VOKA^[1].

Марыля. У пошуках дзіўнікаў
Тып мультфільму	Мультыплікацыйны сэрыял
Жанр	сямейны фільм, прыгодніцкі фільм, фэнтэзійны фільм
Рэжысэр	Дзмітрый Мітрафанаў
Прадусэр	Сяргей Раманаў, Кірыл Шамардзін
Краіна	Беларусь
Мова	беларуская
Працягласьць	12-ць сэрыяў па 5-6 хвілінаў
Прэм’ера	17 лютага 2023 (2 гады таму)

Зьмест

У Меску ў Траецкім прадмесьці жыве Марыля — маленькая дзяўчынка зь вельмі багатай фантазіяй. Яна прагне падабацца, але людзі зусім не заўважаюць яе. Адзіны чалавек, які падтрымлівае Марылю, — Алесь. Аднойчы героі сустракаюць таемную Бабулю, якая кліча іх далучыцца да прыгодаў. Марыля бачыць у гэтай прапанове магчымасьць, якая дапаможа звярнуць на сябе ўвагу людзей навокал. Для Бабулі жа Марыля, якая мае багатую фантазыю, — гэта ключ да партала ў сьвет мітычных істот. З дапамогай гэтага партала Бабуля зможа выпусьціць дзіўнікаў, што былі забытыя, у рэальны сьвет. Неўзабаве Марыля разумее, што стала часткай нейкага злавеснага пляна, і адпраўляецца ўсё выпраўляць.