Марыя Шаўчонак

Марыя Сіланцьеўна Шаўчонак (11 траўня 1944, Новы Востраў, Клічаўскі раён, Магілёўская вобласьць) — беларуская паэтка.

Марыя Шаўчонак
Асабістыя зьвесткі
Псэўданімы	М. Аляксеева
Нарадзілася	11 траўня 1944(1944-05-11) (81 год) Новы Востраў[d], Кабылянкаўскі сельсавет[d], Клічаўскі раён, Магілёўская вобласьць, БССР, СССР
Літаратурная дзейнасьць
Род дзейнасьці	паэтка

Біяграфія

Нарадзілася 11 траўня 1944 году ў в. Новы Востраў Клічаўскага раёну Магілёўскай вобласьці ў сялянскай сям’і. У 1965 годзе скончыла філялягічны факультэт Беларускага дзяржаўнага ўнівэрсытэту.

Настаўнічала ў Ракавіцкай сярэдняй школе Шчучынскага раёну Гарадзенскай вобласьці. У 1966—1978 гадох працавала ў шчучынскай раённай газэце «Савецкая вёска». З 1978 году працавала старшым рэдактарам аддзелу прапаганды Гарадзенскай студыі тэлебачаньня. Жыве ў Горадні.

Творчасьць

Першы верш надрукавала ў 1954 годзе ў газэце «Піянер Беларусі». Аўтар зборнікаў паэзіі «Белая ластаўка» (1971) і «Сьвята зямлі» (1976), «Бацькоўскае імя» (1981), «Раса-расінка» (1985).

На словы яе вершаў напісаныя песьні кампазытарамі Л. Захлеўным, Г. Вагнэрам, І. Кузняцовым^[1].

Творы

• Бацькоўскае імя: вершы. – Менск, Мастацкая літаратура, 1981. – 62 с.
• Белая ластаўка: вершы. – Менск, Мастацкая літаратура, 1971. – 75 с.
• Раса-расінка: вершы. – Менск, Мастацкая літаратура, 1985. – 70 с.
• Святая зямлі: вершы. – Менск, Мастацкая літаратура, 1976. – 80 с.
• Нябесны знак: альманах / укладальнік М.С. Шаўчонак. Слонім, ГАУПП “Слонімскі друк”, 2003. 128 с.