Мацеевічы (гарадзішча)

Мацеевічы — археалягічны помнік, гарадзішча V стагодзьдзе да н. э. — V стагодзьдзе н. э. каля вёскі Мацеевічы Пухавіцкага раёну Менскай вобласьці.

Славутасьць
Мацеевічы
Краіна	Беларусь
Статус	Дзяржаўны сьпіс гісторыка-культурных каштоўнасьцяў Рэспублікі Беларусь

Апісаньне

За 0,5 км на паўднёвы захад ад вёскі, на правым беразе ракі Талька, на ускрайку лесу, ва урочышчы Гарадок.

Вышыня над летнім межанным узроўнем вады ў рацэ 4 −5 м. Пляцоўка авальная, памерам 40 х 55 м, выцягнутая з усходу на захад. Па краі ўмацавана валам вышынёй каля 1 м, шырынёй у ніжняй частцы 5 −8 м. Акрамя яго з усходу, поўдня і захаду на пляцоўцы былі 2 рады валоў вышынёй 1,5 — 2,5 м, шырынёй 5 — 6 м і равоў глыбінёй да 2 м. З паўднёвага боку прасочаны ўваход на гарадзішча шырынёй 2 м. Пляцоўка пашкоджана ямамі, яе краі, схілы, валы парасьлі кустамі і рэдкімі дрэвамі.

Даследаваньні

Выявіў і абсьледстваў у 1930 г. Антон Рынейскі, абсьледавала ў 1985 годзе Тацьцяна Бубенька. Культурны пласт 0,3 — 0,4 м. Раскопкі не праводзіліся.

Літаратура

• Памяць : Пухавіцкі раён: гісторыка-дакументальныя хронікі гарадоў і раёнаў Беларусі / [укладальнік А. А. Прановіч; рэдкалегія: А. М. Карлюкевіч і інш.]. — Мінск : Беларусь, 2003. — 748 с — 3000 экз. ISBN 985-01-0251-9