Мужанка

Мужа́нка — рака ў Барысаўскім раёне Менскай вобласьці, левы прыток ракі Бярэзіны (басэйн Дняпра). Даўжыня 34 км. Плошча вадазбору 231 км². Выдатак вады ў вусьці 1,6 м³/с. Сярэдні нахіл воднай паверхні 1‰.

Гэта артыкул пра раку. Калі вас цікавіць вёска, глядзіце Мужанка.

Рака

Мужанка
Агульныя зьвесткі
Выток	каля в. Зарослае
Вусьце	Бярэзіна
Краіны басэйну	Беларусь
Вобласьці	Менская вобласьць
Даўжыня	34 км
Сярэднегадавы сьцёк	1,6 м³/с
Плошча басэйну	231 км²
Нахіл воднай паверхні	1 ‰

Асноўны прыток — Балотніца (левы).

Пачынаецца каля вёскі Зарослае, вусьце за 1 км на ўсход ад вёскі Глівін. Цячэ Цэнтральнабярэзінскай раўнінай.

Даліна трапэцападобная, шырынёй 0,6—2 км, у верхняй частцы невыразная, у вусьцевай зьліваецца з далінай Бярэзіны. Абалона двухбаковая, шырынёй 0,1—1 км, адкрытая, месцамі асушаная, парэзаная мэліярацыйнымі каналамі. Рэчышча каналізаванае на працягу 4,5 км (ад вёскі Ратуцічы да вёскі Мужанка)^[1].