Музэй этнаграфіі (Магілёў)

Музэй этнаграфіі ў Магілёве — філія Магілёўскага абласнога краязнаўчага музэю. Разьмяшчаецца па адрасе вул. Першамайская № 8.

Магілёўскі музэй этнаграфіі
Філія	Магілёўскі абласны краязнаўчы музэй
Месцазнаходжаньне	Магілёў, Беларусь
Адрас	вул. Першамайская № 8, Магілёў, Беларусь
Велічыня калекцыі	4,5 тыс. экспанатаў
Плошча экспазыцыі	760 м²
Створаны	1981
Геаграфічныя каардынаты	53°53′41″ пн. ш. 30°19′46″ у. д.
Магілёўскі музэй этнаграфіі на мапе Беларусі Магілёўскі музэй этнаграфіі

Адкрыты ў 1981 г. Плошча экспазыцыі 760 м², 4,5 тыс. экспанатаў асноўнага фонду (2000 г.). Матэрыялы музэю знаёмяць са станам матэрыяльнай і духоўнай культуры сялянаў Магілёўскага Падняпроўя і гарадзкога побыту магілёўцаў канца XIX — пачатку XX стагодзьдзяў. Сярод экспанатаў — прылады працы, прадметы побыту, народнае адзеньне магілёўскага і краснапольскага строяў, калекцыі самабытных ручнікоў Магілёўшчыны, абразоў, кафлі і драўлянай скульптуры XVII—XIX стагодзьдзяў, царкоўнай кнігі, часопісы XIX — пачатку XX стагодзьдзяў.

Будынак музэю стаіць на падмурках Магілёўскага езуіцкага калегіюму. Унутраная сьцяна, якая выходзіць у двор музэю, зьяўляецца аўтэнтычнай сьцяной XVIII ст., колішняй часткай калегіюму^[1].

• Інтэр'еры
• 
  Кабінэт чыноўніка
• 
  Дваранская гасьцёўня
• 
  Мяшчанскі інтэр’ер