Муйса

Муйса — возера ў Браслаўскім раёне Віцебскай вобласьці. Знаходзіцца за 18 км на захад ад Браслава каля вёскі Мінкавічы, на адлегласьці ў 5 км ад мяжы зь Летувай. Належыць да групы Рычана-Дрысьвяцкіх азёр.

Возера Муйса Краіна Беларусь Плошча 1,6 км² Плошча вадазбору 177 км² Максымальная глыбіня 3,9 м Найбольшая даўжыня 2,01 км Найбольшая шырыня 1,27 км Даўжыня берагавой лініі 6 км Вышыня над узроўнем мора 139 м[1] Аб’ём вады 4,16 млн м³ Каардынаты 55°37′3.1″ пн. ш. 26°43′14.3″ у. д. Муйса на мапе Беларусі Муйса

Возера знаходзіцца ў басэйне ракі Рычанкі, якая цячэ праз возера. Плошча Муйсы складае 1,6 км². Найбольшая глыбіня возера — 3,9 м. Даўжыня возера — 2,01 км, найбольшая шырыня — 1,27 км. Даўжыня берагавой лініі — 6 км. Аб’ём вады ў возеры складае 4,16 млн м³, плошча вадазбору возера — 177 км².

Схілы катлавіны возера маюць вышыню да 6 м, разараныя. Берагі вадаёма нізкія, забалочаныя. На поўначы і поўдні берагі зьліваюцца з схіламі.

Пойма мае шырыню да 350 м, знаходзіцца пад лугам. Дно Муйсы плоскае. Прыбярэжная зона вузкая, высланая пяском і глеем, на большых глыбінях дно сапрапэлістае.

Возера моцна зарастае. Шырыня паласы прыбярэжнай надводнай расьліннасьці складае да 250 м.