Мультклюб

Мультклюб — сатырычны праект супольнасьці «Трэці шлях». Створаны ў 2004 годзе Паўлам Марозавым, Алегам Мінічам і Андрэем Абозавым. Гэта сэрыя сатырычнай мультыплікацыі на актуальныя тэмы беларускай рэчаіснасьці.

Гісторыя

У 2005 годзе Павал Марозаў і Андрэй Абозаў былі абвінавачаныя па артыкуле 367 «Паклёп у дачыненьні да Прэзыдэнта Рэспублікі Беларусь»^[1][2]. Артыкул прадугледжвае абмежаваньне свабоды ад 2 да 4 гадоў^[3]. Дзякуючы ўмяшаньню міжнароднай грамадзкасці і прэсы яны пазбеглі арышту. На пачатку сьнежня 2007 году непасрэдны стваральнік флэш-мультыплікацыі Алег Мініч сышоў з «Мультклюбу» дзеля стварэньня сямейнага мультсэрыялу «Бульбаны» для тэлеканалу Белсат. У сувязі з гэтым Павал Марозаў 10 сьнежня працягнуў ранейшую справу ўжо пад іншым назовам — «Народнае тэлебачаньне»^[4]. Андрэй Абозаў стварыў сатырычны праект «Беларуская Жаба», які спыніў сваё існаваньне ў 2011 годзе.

У артыкуле «Web Cartoons in a Closed Society: Animal Farm as an Allegory of Post-Communist Belarus» разглядаецца адзін зь мультфільмаў праекту «Улада парсюкоў»^[5].

Літаратура

• Сяргей Будкін. Новыя беларускія XXXмульты // Наша Ніва. — 18 сакавіка 2005. — № 10 (416). — С. 9.