Мэнтар

Мэнтар (стар.-грэц. Μέντωρ) — пэрсанаж старажтнагрэцкай міталёгіі^[1][2] з вострава Ітака — сын Алкіма^[3], стары сябра Адысэя, які, адпраўляючыся ў Трою, даручыў Мэнтару клапаціцца пра дом і гаспадарства. Таму Мэнтар стараўся перашкаджаць дакучлівым жаніхам Пэнэлёпы; ён жа быў выхавальнікам Тэлемаха, сына Адысэя.

У Гамэра зьнешнасьць Мэнтара часта прымае прыхільная да Адысэя багіня Атэна, зьяўляючыся Адысэю альбо Тэлемаху. Так, у выглядзе Мэнтара Атэна дапамагае Адысэю ў яго барацьбе з жаніхамі і імкнецца замірыць яго з народам; пад выглядам Мэнтара яна суправаджае Тэлемаха ў Піляс^[4], у Пілясе вылятае арлом^[5]. На Ітаке Атэна прымае вобраз Тэлемаха, затым пераўтвараецца ў ластаўку^[6]

Імя Мэнтар часта ўжываецца як агульнае імя, у сэнсе настаўніка альбо кіраўніка юнацтва.