Мідлзбра

Мі́длзбра (па-ангельску: Middlesbrough) — вялікі горад на паўночным усходзе Ангельшчыны, які месьціцца ў графстве Паўночны Ёркшыр. Месьціцца на паўднёвым беразе ракі Тыс.

Гэты артыкул пра горад, артыкул пра футбольны клюб — Мідлзбра (футбольны клюб)

Мідлзбра
Дата заснаваньня:	1830
Краіна:	Вялікабрытанія
Плошча:	3,88 км²
Насельніцтва:	▲140 545 чал. (2018)[1]
Тэлефонны код:	01642
Геаграфічныя каардынаты:	54°34′26″ пн. ш. 1°14′0″ з. д.
Мідлзбра на мапе Вялікабрытаніі Мідлзбра
Галерэя здымкаў у Вікісховішчы
http://www.middlesbrough.gov.uk/

Гісторыя

Мідлзбра пачынаўся як бэнэдыктынскі прыярат на паўднёвым беразе ракі Тыс. Ягоная назва, верагодна, паходзіць ад таго, што ён месьціўся пасярэдзіне паміж сьвятымі месцамі Дарэма і Ўітбі. Найбольш раньняя зафіксаваная форма назвы — «Мідылзбург». Існуе меркаваньне, назва таксама паходзіць ад «сярэдняй крэпасьці», бо ён манастыр паміж двума рэлігійнымі цэнтрамі. Таксама ёсьць меркаваньне, што назва паходзіць ад старажытнаангельскага асабістага імя ў спалучэньні з «горадам» (ст.-анг. burgh)^[2][3][4][5].

У 686 годзе манаскую кельлю асьвяціў сьвяты Катбэрт на просьбу сьвятой Гільды, абатысы Ўітбі. З часам яна ператварылася ў прыярат Мідлзбра. Маёнтак Мідылзбург належыў абацтву Ўітбі і прыярату Гізбара^[6]. Да моманту закрыцьця прыярату пасьля роспуску манастыроў Генрыхам VIII у 1537 годзе царкву ўтрымлівалі 12 манахаў-бэнэдыктынцаў, многія зь якіх пасьля сталі вікарыямі або рэктарамі ў розных местах Кліўлэнду^[7].