Мізуры (штат)

Мізу́ры (па-ангельску: Missouri) — штат на Сярэднім Захадзе ЗША, 24-ы штат у складзе фэдэрацыі. Насельніцтва 6 044 171 чалавек^[1] (паводле гэтага паказчыку Мізуры займае 18-е месца ў краіне). Мізуры падзяляецца 114 акругоў. Горад Сэнт-Люіс мае незалежны статус. Чатыры найбуйнейшыя гарадзкія тэрыторыі — Сэнт-Люіс, Канзас-Сіці, Спрынгфілд ды Калюмбія. Сталіца — Джэфэрсан-Сіці, найбуйнейшыя гарады — Сэнт-Люіс і Канзас-Сіці. Тэрыторыю Мізуры набылі ў Францыі ў выніку пагадненьня аб набыцьці Люізіяны і спачатку яна мела назву «Тэрыторыя Мізуры». Частка гэтай тэрыторыі далучылася да штатаў 10 жніўня 1821 году 24-м штатам.

Мізуры
Сьцяг Мізуры
Мянушка	Штат «пакажы мне»
Сталіца	Джэфэрсан-Сіці
Найбуйнейшы горад	Канзас-Сіці
Плошча
21-я па ЗША
- агулам	180 533 км²
- % вады	1,17 %
Вышыня
- найвышэйшы пункт	540 м
- сярэдняя	240 м
- найніжэйшы пункт	70 м
Насельніцтва
18-е па ЗША
- агулам (2013)	6 044 171
- шчыльнасьць	33,7/км²
Дата заснаваньня	10 жніўня 1821 (24-ы)
Часавы пас	GMT-6/-5
Скарачэньні	MO
Афіцыйная старонка

Геаграфія Мізуры вельмі розная. Паўночная частка штату занятая нізінамі, паўднёвая частка — горамі Озарк, паміж якімі працякае рака Мізуры. Штат разьмешчаны на перакрыжаваньні трох найбуйнейшых рэк Паўночнай Амэрыкі: Місысыпі злучаецца з ракой Мізуры каля Сэнт-Люісу, а таксама Агаё.

Насельніцтва

Паводле ацэнкі Бюро перапісу насельніцтва ЗША, 1 ліпеня 2013 году ў Мізуры жыло 6 044 171 чалавек, што на 0,9% больш у параўнаьні са зьвесткамі перапісу насельніцтва ў 2010 годзе. Этнічны склад: немцы — 23,5 %, ірляндцы — 12,7 %, амэрыканцы — 10,5 %, ангельцы — 9,5 %, французы — 3,5 %.

Вядомыя жыхары

• Гары С. Труман, 33-і прэзыдэнт ЗША.