Мікалай Іваноў

Мікалай Іваноў (нар. 2 студзеня 2000 году) — беларускі футбаліст, паўабаронца мазырскай «Славіі».

Мікалай Іваноў
Пэрсанальная інфармацыя
Нарадзіўся	2 студзеня 2000(2000-01-02)[1] (25 гадоў) Менск, Беларусь[2]
Рост	189 см[3]
Вага	82 кг[2]
Пазыцыя	паўабаронца
Клюбная інфармацыя
Клюб	Славія Мазыр
Нумар	7
Клюбы
Гады	Клюб	Гульні (галы)¹
2017—2022	Дынама Менск	2 (0)
2020	→ Гомель	23 (3)
2021	→ Іслач	2 (0)
2021	→ Нафтан	18 (2)
2022	→ Менск	15 (0)
2023	МЛ Віцебск	29 (8)
2024	Машук-КМВ[d]	18 (1)
2024	МЛ Віцебск	18 (1)
2025—4	Славія Мазыр	13 (1)
Зборныя
2018	Беларусь (да 19)[d]	3 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 27 чэрвеня 2025.

Кар’ера

Клюбная

Выхаванец менскага РЦАП-БДУ. З 2017 году пачаў выступаць за дубль менскага «Дынама». У гэтым жа годзе дэбютаваў і за асноўную каманду, 9 ліпеня выйшаўшы на замену ў другім тайме ў матчы Кубка Беларусі супраць «Чысьці» (4:0). У 2018 годзе трывала замацаваўся ў дублі, працягваў часам прыцягвацца да асновы. Да cэзону 2019 году ўжо рыхтаваўся з асноўным складам, з траўня зноў пачаў гуляць за дубль. 22 чэрвеня 2019 году дэбютаваў у Найвышэйшай лізе, калі выйшаў на замену ў другім тайме ў матчы супраць жодзінскага «Тарпэда-БелАЗ» (0:3). У далейшым працягваў выстапаць у дублюючым складзе, зрэдку прыцягваўся да першай каманды.

У студзені 2020 году быў аддадзены ў арэнду «Гомлю»^[4]. Хутка замацаваўся ў пачатковым складзе каманды і дапамог ёй вярнуцца ў Найвышэйшую лігу. У сьнежні 2020 году вярнуўся ў «Дынама»^[5]. У пачатку 2021 году трэнаваўся поруч з рэзэрвовай камандай дынамаўцаў, а ў сакавіку на правах арэнды далучыўся да «Іслачы»^[6]. Зьяўляўся ў складзе «Іслачы» зрэдку і ўжо ў ліпені пакінуў клюб^[7]. Неўзабаве быў аддадзены ў арэнду ў наваполацкі «Нафтан»^[8], дзе замацаваўся ў асноўным складзе.

У студзені 2022 году праходзіў прагляд у магілёўскім «Дняпры»^[9], аднак пазьней вярнуўся ў «Дынама» і пачаў трэнавацца з дублем. У сакавіку 2022 году быў арандаваны «Менскам»^[10]. Спачатку рэгулярна зьяўляўся на полі, выходзячы на замену, а зь лета пачаў часьцей заставацца на лаўцы запасных. У сьнежні 2022 году па заканчэньні арэнды пакінуў «Менск»^[11]. У сакавіку 2023 году стаў гульцом віцебскага «Макслайну»^[12]. У лютым 2024 году перайшоў у расейскі «Машук-КМВ» зь Пяцігорску^[13]. Улетку 2024 году вярнуўся ў «Макслайн»^[14]. У студзені 2025 году футбаліст прыяднаўся да мазырскай «Славіі»^[15].

Міжнародная

У кастрычніку 2018 году выступаў за зборную Беларусі (да 19 гадоў) у адборачным раўндзе чэмпіянату Эўропы.