Мікалай Пятровіч Корбут

Мікала́й Пятро́віч Ко́рбут (1 лістапада 1948 в. Гутніца Слуцкі раён) — прэзыдэнт фэдэрацыі гімнастыкі РБ. Экс-міністар фінансаў Беларусі.

Вікіпэдыя мае артыкулы пра іншых асобаў з прозьвішчам Корбут.

Мікалай Пятровіч Корбут
Міністар фінансаў Рэспублікі Беларусь
1997 — 14 жніўня 2008
Прэзыдэнт	Аляксандар Лукашэнка
Папярэднік	Павал Дзік
Наступнік	Андрэй Харкавец
намесьнік старшыні праўленьня Нацыянальнага банку Рэспублікі Беларусь
1996 — 1997
Прэзыдэнт	Аляксандар Лукашэнка
Асабістыя зьвесткі
Нарадзіўся	1 лістапада 1948 (76 гадоў) Гутніца, Слуцкі раён
Партыя	беспартыйны
Адукацыя	БДЭУ
Узнагароды	Ордэн Пашаны (Беларусь)

Жыцьцяпіс

Служыў у Савецкім войску ў 1970—1972 гадох. У 1977 годзе скончыў Беларускі дзяржаўны інстытут народнай гаспадаркі імя Куйбышава.

Працаваў на розных пасадах у Міністэрстве фінансаў, намесьнікам старшыні Кантрольнай палаты Рэспублікі Беларусь у 1992—1996 гадох. Першы намесьнік старшыні праўленьня Нацыянальнага банку Рэспублікі Беларусь у 1996—1997 гадох.

З 1997 году міністар фінансаў Беларусі.

У сакавіку 2008 перанёс абшырны інсульт.

14 жніўня 2008 прэзыдент РБ вызваліў Корбута ад пасады міністра фінансаў.

Беспартыйны.

Прэзыдэнт Беларускай фэдэрацыі гімнастыкі з 1998 году.

Прыватнае жыцьцё

Жанаты, мае дваіх сыноў. Захапляецца тэатрам, спортам, паляваньнем і рыбалкаю.

Узнагароды

• Ордэн Пашаны (2006)^[1].

Літаратура

• Корбут Николай // Кто есть кто в Беларуси. — М.: Книжный дом «Университет», 1999. — ISBN 5-8013-0068-6