Мікалай Слупскі

Мікала́й Слу́пскі (1616—1693) — рэлігійны дзяяч Вялікага Княства Літоўскага. Біскуп-суфраган віленскі (з 1669).

Мікалай Слупскі
Дзейнасьць	каталіцкі сьвятар, каталіцкі біскуп
Нарадзіўся	1616 або 1615
Памёр	1693 або 1691
Галерэя здымкаў у Вікісховішчы

Біяграфія

У 1649 зрабіўся канонікам Віленскай капітулы, пазьней атрымаў ад Папы Рымскага прызначэньне біскупа-суфрагана віленскага. У 1671 абраны біскупам віленскім, аднак кароль і вялікі князь Міхал Карыбут Вішнявецкі прызначыў на гэтую пасаду Мікалая Стэфана Паца.

21 чэрвеня 1678 асьвяціў кутні камень Касьцёла Сьвятога Францішка Ксавэрыя ў Горадні^[1].

Кансэкраваў шэраг касьцёлаў на тэрыторыі сучаснай Беларусі: Слонім (бэрнардынак, 30 жніўня 1671), Канстанцінава (1671), Сьвір (1680).

Партрэт біскупа Мікалая Слупскага (1677) — апошняя створаная ў Глуску гравюра майстра Аляксандра Тарасевіча^[2].