Мілегаст

Мілегаст, Мілагаст († па 860) — князь вільцаў-люцічаў.

Мілегаст
Асабістыя зьвесткі
Нарадзіўся	VIII стагодзьдзе
Бацька	Люб (князь люцічаў)

Імя

Асноўны артыкул: Мільгаст

Імя Мілегаст (Milgast^[1]) можа мець як славянскае, так і германскае паходжаньне^[2].

Варыянты імя князя ў гістарычных крыніцах: quorum nomina sunt Milegastus et Cealadragus. Erant idem filii Liubi regis Wiltzorum... populus Wilzorum filium eius Milegastum (Аналы каралеўства франкаў).

Біяграфія

Сын князя Люба, меў брата Чаладрага^[3]. Ачоліў вільцаў па тым, як яго бацька загінуў у бітве з бодрычамі.

Кіраваў супраць племянных звычаяў, імкнучыся ўмацаваць становішча князя датычна веча. Гэта прывяло да паўстаньня, у выніку якога страціў сталец, а ўлада перайшла да яго малодшага брата Чаладрага.

Спрэчку паміж братамі ў 823 годзе разглядаў на сойме ў Франкфурце імпэратар Людовік I Пабожны, які адхіліў прэтэнзіі Мілегаста і пацьвердзіў валадараньне Чаладрага.