Міністэрства фінансаў ЗША

Міністэ́рства фіна́нсаў ЗША, таксама Дэпарта́мэнт казначэ́йства ЗША (па-ангельску: United States Department of the Treasury, USDT^[4] (МФЗШ, ДКЗШ) — нацыянальнае міністэрства ў складзе ўрада ЗША й дэпартамэнт фінансаў фэдэральнага ўрада Злучаных Штатаў, дзе ён служыць выканаўчым дэпартамэнтам^[5].

Міністэрства фінансаў Злучаных Штатаў
анг. United States Department of the Treasury
Пячатка Міністэрства Фінансаў Злучаных Штатаў Амэрыкі
Абрэвіятура	USDT
Дата ўтварэньня	2 верасьня 1789
Тып	Дэпартамэнт ЗША[1]
Штаб-кватэра	Вашынгтон 1500, Пэнсыльванія-авэню
Месцазнаходжаньне	ЗША
Кіраўнік	Джанет Елен[2][3]
Кіроўны орган	Фэдэральны Ўрад ЗША
Бюджэт	20 млрд. $
Колькасьць супрацоўнікаў	112 461 чал. (сьнежань 2012)
Сайт	home.treasury.gov

Функцыі міністэрства

Сьцяг міністэрства

У функцыі міністэрства ўваходзіць распрацоўка й выкананьне эканамічнай і грашовай палітыкі ЗША, рэгуляваньне экспарту й імпарту, кантроль за дзейнасьцю банкаўскіх і фінансавых арґанізацыяў, збор падаткаў, эмісія банкнот і чаканка мэталічных манэт^[6].

Міністэрства мае права фінансаваць дзяржаўныя выдаткі за кошт збору падаткаў, разьмяшчэньня даляравых пазык шляхам выпуску аблігацыяў Казначэйства й павелічэньня дзяржаўнага доўгу ў межах, якія ўстанаўліваюцца Кангрэсам. Дзейнасьцю міністэрства кіруе сакратар Дэпартамэнта Казначэйства ЗША. 13 лютага 2017 году сэнат ЗША зацьвердзіў Стывена Мнучына на пасаду кіраўніка Казначэйства.

Глядзіце таксама

• Фэдэральная рэзэрвовая сыстэма