Міт Ромні

Ўілард Міт Ромні (па-ангельску: Willard Mitt Romney; нарадзіўся 12 сакавіка 1947 году, Дэтройт, ЗША) — амэрыканскі палітык. Кандыдат у прэзыдэнты ЗША на выбарах 2012 году ад Рэспубліканскае партыі. Чалец Царквы Ісуса Хрыста Сьвятых апошніх дзён (мармоны).

Міт Ромні
па-ангельску: Mitt Romney
70-ы губэрнатар Масачусэтсу
2 студзеня 2003 — 4 студзеня 2007
Папярэднік	в. а. Джэйн Сўіфт
Наступнік	Патрык Дэваль
Асабістыя зьвесткі
Нарадзіўся	12 сакавіка 1947 (78 гадоў) Дэтройт, Мічыган, ЗША
Партыя	Рэспубліканская партыя ЗША
Адукацыя	Cranbrook Schools[d] (чэрвень 1965) Стэнфардзкі ўнівэрсытэт (1966) Універсітэт Брыгама Янга[d] (1971) Гарвардзкая школа бізнэсу[d] (1975) Гарвардзкая школа права[d] (1975)
Сужэнец	Эн Ромні
Дзеці	Таґарт (нар. 1970) Мэт’ю (нар. 1971) Джошуа (нар. 1975) Бэнджамін (нар. 1975) Крэйг (нар. 1981)
Бацька	Джордж Ромні
Маці	Ленор Ромні
Узнагароды	прэмія „Профіль у адвазе“[d] (26 траўня 2021)
Подпіс
Сайт	romney.senate.gov (анг.)

Біяграфія

Пасьля заканчэньня школы Міт Ромні паступіў у Стэнфардзкі унівэрсытэт, дзе правучыўся два сэмэстры. З Стэнфарду Міт адправіўся ў Францыю, дзе займаўся місіянэрскай працай.

Па вяртаньні з Францыі Ромні паступіў ва ўнівэрсытэт Брыгама Янґа, скончыўшы яго ў 1971 годзе з дыплёмам бакаляўра ґуманітарных навук. Пасьля гэтага паступіў у Гарвардзкі ўнівэрсытэт, атрымаўшы ў 1975 годзе ступень доктара права й магістра дзелавога адміністраваньня (MBA)^[1].

Зьяўляўся старшынём арґкамітэту зімовай Алімпіяды ў Солт-Лэйк-Сіты 2002 году. Працаваў ґубэрнатарам штату Масачусэтс з 2003 па 2007 гады. Быў адным з прэтэндэнтаў у кандыдаты ў прэзыдэнты ЗША ад Рэспубліканскае партыі на выбарах 2008 году, аднак 7 лютага, пасьля «супэраўторку», зьняў сваю кандыдатуру (на гэты момант ён меў 294 дэлегаты на партыйны зьезд, Макейн — 707 галасоў, Гакабі — 195 галасоў).

Кандыдат у прэзыдэнты ЗША на выбарах 2012 году. Перамог на ўнутрыпартыйным праймэрыз у склад Рэспубліканскай партыі у некалькіх штатах^[2]. Па хадзе перадвыбарнай кампаніі адбыўся канфуз, калі камандай Міта Ромні ў траўні быў выпушчаны дармовы мабільны дастасунак для смартфонаў «iPhone» і іншых прыладаў з апэрацыйнай сыстэмай «Apple iOS», якое ўсталёўвае ў перасылальныя малюнкі словы «Амэрыка лепей зь Мітам» з памылкай друку ў выглядзе слова «Amercia», што стала чыньнікам шматлікіх насьмешак у СМІ й інтэрнэце^[3].

Вядомы праз уласныя рэзкія выказваньні ў бок кіруючых рэжымаў Расеі й Кітаю.