Міхал Юзэф Сапега

Міхал Юзэф Сапега (1670 — 6 сакавіка 1738, Шалён-ан-Шампань) — дзяржаўны і вайсковы дзяяч Вялікага Княства Літоўскага. Чашнік (1687—1692) і стражнік вялікі літоўскі (1692—1698), пісар польны літоўскі (1698—1730), ваявода падляскі (з 1728). Генэрал-маёр войска ВКЛ (1710), генэрал-лейтэнант кавалерыі (1714), генэрал-лейтэнант саксонскага войска (1733)^[2]. Быў старостам мельніцкім (з 1725).

Міхал Юзэф Сапега

М. Ю. Сапега. Невядомы мастак, 1728—29 гг.
Герб «Ліс»
Асабістыя зьвесткі
Нарадзіўся	1670(1670)
Памёр	6 сакавіка 1738 Шалён-ан-Шампань[1]
Пахаваны	Францыя Сямятычы[1]
Род	Сапегі
Бацькі	Бэнэдыкт Павал Сапега Ізабэла з Тарлаў
Жонка	Тэрэза Марыя зь Веляпольскіх
Дзеці	Бэнэдыкт Аўгуст, Юзэф Фрыдэрык

Біяграфія

Тэрэза зь Веляпольскіх

Прадстаўнік чарэйска-ружанскай лініі магнацкага роду Сапегаў гербу «Ліс», сын Бэнэдыкта Паўла, падскарбія вялікага літоўскага, і Ізабэлы з Тарлаў.

Навучаўся ў езуіцкім калегіюме ў Варшаве, у 1687—1688 гадох працягваў адукацыю ў Францыі і Італіі.

У 1687 годзе атрымаў урад чашніка, у 1692 годзе — стражніка, у 1698 годзе — пісара польнага. У 1728 годзе стаў ваяводам падляскім. Абіраўся паслом на соймы 1690, 1720 і 1726 гадоў.

Удзельнічаў у кампаніях супраць туркаў у 1695 і 1698 гадох. У Вялікую Паўночную вайну (1700—1721) у 1702—1709 падтрымліваў Карла XII і Станіслава Ляшчынскага.

Амніставаны Аўгустам Моцным, у 1713 выпраўляўся з пасольствам у Турэччыну. У 1710 годзе стаў генэрал-маёрам войска Вялікага Княства Літоўскага, у 1714 годзе — генэрал-лейтэнантам кавалерыі, у 1733 годзе — генэрал-лейтэнантам саксонскага войска. У 1735 пакінуў межы Рэчы Паспалітай.

У 1700 годзе ажаніўся з Тэрэзай Марыяй (пам. па 1717), дачкой канцлера вялікага кароннага Яна Веляпольскага (пам. 1688). У шлюбе нарадзіліся дзеці:

• Бэнэдыкт Аўгуст (пам. 1730), староста мельніцкі (1730)
• Юзэф Фрыдэрык (1717—1732), староста мельніцкі, пунскі і стакліскі (1730), ратмістар каронных войскаў

Спачыў ў парафіяльным касьцёле ў Сямятычах^[3].

Галерэя

• Іканаграфія Міхала Юзэфа Сапегі
• 
  З Коданскай галерэі, 1709 г.
• 
  Невядомы мастак, каля 1730 г.
• 
  Ю. Лоскі, 1855 г.