Міхаіл Сьпірыдонаў

Міхаіл Сьпірыдонаў (10 красавіка 1937, Бабруйск — 6 ліпеня 2017) — беларускі гісторык. Кандыдат гістарычных навук.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Сьпірыдонаў.

Міхаіл Сьпірыдонаў
Дата нараджэньня	10 красавіка 1937(1937-04-10)
Месца нараджэньня	Бабруйск, БССР, СССР
Дата сьмерці	6 ліпеня 2017(2017-07-06) (80 гадоў)
Месца вучобы	Маскоўскі дзяржаўны ўнівэрсытэт[d] (1960)
Занятак	гісторык, мэдыявіст, картограф
Навуковая сфэра	гісторыя
Месца працы	Інстытут гісторыі НАН Беларусі
Навуковая ступень	кандыдат гістарычных навук[d] (1982)

У 1960 годзе Скончыў Маскоўскі ўнівэрсытэт. З 1960 году працаваў настаўнікам. З 1965 годзе - у Інстытуце гісторыі НАН Беларусі.

Навуковая дзейнасьць

Кірункі навуковай дзейнасьці: сацыяльна-эканамічнае разьвіцьцё і гістарычная геаграфія Беларусі 15—16 ст. Аўтар кніг «Закрепощение крестьянства Беларуси (ХV—ХVI вв.)» (Мінск, 1993), «Заславль в XVI в.» (Мінск, 1998).

Апублікаваў шмат карт з агульнай тэматыкай, зьвязанай з адлюстраваньнем беларускіх зямель у другой палове XVI ст. Найбольш вядомая картаграфічная праца: «Беларусь у другой палове XVI ст. 1 : 1 500 000» (Нацыянальны атляс Беларусі. Менск, 2002).

Курыраваў падрыхтоўкай разьдзелу «Гісторыя» ў «Нацыянальным атлясе Беларусі» (Менск, 2002). Адзін з аўтараў выданьняў «Гісторыя сялянства СССР са старажытнейшых часоў да Вялікай Кастрычніцкай рэвалюцыі», «Нарысы гісторыі Беларусі», «Гісторыя сялянства Беларусі».