М. Агінскі (манэта)

Па́мятная манэ́та «М. Агі́нскі» — беларускія юбілейныя манэты Нацыянальнага банку Беларусі, уведзеныя ў абарачэньне 22 жніўня 2011 року. Манэты выбітыя з золата, намінал 10 рублёў.

М. Агінскі

Беларусь
Намінал	10 рублёў
Маса	1 г (золата — 0,9 г)
Дыямэтар	12 мм
Гурт	гладкі
Мэтал	золата
Гады біцьця	22 жніўня 2011
Колькасьць выбітых	да 2000
Мынца	Манэтны двор Польшчы

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Агінскі (неадназначнасьць).

Апісаньне

Манэты маюць форму кола, зь пярэдняга і адваротнага бакоў — кант, які выступае па акружыне. Бакавая паверхня манэты гладкая.

• Авэрс: у цэнтры — партрэт кампазытара і палітычнага дзеяча Міхала Клеафаса Агінскага; унізе — подпіс-факсыміле па-польску «Michał Kleofas Ogiński»^[1].
• Рэвэрс: рэльефны відарыс Дзяржаўнага гербу Рэспублікі Беларусь, па коле геамэтрычны арнамэнт і надпісы: зьверху «РЭСПУБЛІКА БЕЛАРУСЬ»; зьнізу — намінал 10 рублёў і год біцьця; зьлева — проба сплаву; справа — знак Манэтнага двару Польшчы.

Дызайн

• Пётар Гараль (Польшча)^[1]

Мынца

АТ «Манэтны двор Польшчы(pl)», Варшава, Польшча^[1].