Майсей Грынблат

Майсе́й Я́каўлевіч Грынбля́т (Грынблат; 29 сакавіка 1905, Менск — 4 ліпеня 1983, Менск) — беларускі савецкі фальклярыст, этнограф, гісторык^[1].

Майсей Грынблат
Дата нараджэньня	16 (29) сакавіка 1905
Месца нараджэньня	Менск
Дата сьмерці	4 ліпеня 1983(1983-07-04) (78 гадоў)
Месца сьмерці	Менск
Месца вучобы	Ленінградзкі дзяржаўны ўнівэрсытэт
Занятак	гісторык, этнограф, фальклярыст, прафэсар унівэрсытэту
Навуковая сфэра	этналёгія, этнаграфія, фальклярыстыка, гісторыя
Месца працы	Акадэмія навук БССР
Навуковая ступень	кандыдат гістарычных навук[d] (1945)

Вікіпэдыя мае артыкулы пра іншых асобаў з прозьвішчам Грынблат (неадназначнасьць).

Мінуўшчына

Нарадзіўся ў жыдоўскай сям’і. Удзельнічаў у трупе Ўладзіслава Галубка. Працаваў у Беларускім аддзеле Наркамасьветы БССР (1920).

Навучаўся ў Ленінградзкім унівэрсытэце (1925—1930). З 1930 — у Акадэміі навук БССР, у 1931—1941 — у Інстытуце гісторыі; адначасна выкладаў у Менскім пэдагагічным інстытуце (1937—1941) і Беларускім дзяржаўным унівэрсытэце (1939—1941). Вайну правёў у РСФСР. У 1945 вярнуўся, абараніў кандыдацкую дысэртацыю і да 1956 працягваў працаваць у Інстытуце гісторыі АН БССР, выкладаючы ў БДУ (1945—1950).

У 1957—1976 — у Інстытуце мовазнаўства, этнаграфіі і фальклёру.

Творы

Адзін з аўтараў двухтомнай (Т.1, 1961) і пяцітомнай (Т.1, 1972) «Гісторыі Беларускай ССР».

• «Краязнаўчыя музеі і вясновая пасяўная кампанія» (1932)^[2]
• «Сталін у яўрэйскай народнай творчасці» (1939, складальнік)^[2]
• «Песні беларускага народа» (1940, Т.1, рэдактар^[3], складальнік^[2])
• «Беларуская народная архітэктурная разьба» (1958, рэдактар)^[2]
• «Беларускія народныя песні» (1959, рэдактар)^[2]
• «Белорусы: Очерки происхождения и этнической истории» (1968)^[4]
• «Праблемы сучаснага беларускага фальклору» (1969, рэдактар)^[2]
• «Сказки народов СССР» (1970, складальнік)^[4]
• «Беларуская этнаграфія і фалькларыстыка» (1972)^[3]
• «Загадкі» (1972, складальнік)^[3]
• «Зімовыя песні: калядкі і шчадроўкі» (1975, рэдактар)^[3]
• «Прыказкі і прымаўкі: у 2 кн.» (1976, складальнік)^[2]
• «Этнаграфічны зборнік (даклады аддзялення этнаграфіі і Геаграфічнага таварыства Беларускай ССР)» (1975, рэдактар)^[3]
• «Выслоўі» (1979, складальнік)^[2]
• «Вяселле: песні» (кн. 1, 1980, рэдактар)^[2]
• «Вяселле: песні» (кн. 2, 1981, рэдактар)^[3]
• «Вяселле: песні» (кн. 3, 1983, рэдактар)^[2]

Пераклады

• Вітаўтас Місявічус. «Мядзведжая акадэмія» (1988, пераклад зь летувіскай)^[3]