Нажніцы

Нажні́цы — прылада для разразаньня, якая складаецца з пары мэталічных лёзаў, зьяднаных для ўтварэньня рычага, які зьмяншае патрабаваную моц, прыкладзеную для лёзаў. Лёзы слізгаюць адно па другім, у выніку чаго адбываецца разразаньне прадметаў. Нажніцамі часта разразаюць паперу, кардон, тонкую плястмасу, тканіну, кабэлі і іншыя прадметы. Акрамя звычайных нажніц існуюць таксама прамысловыя варыянты (напрыклад, для разразаньня мэталу). Ратаўнікамі часта выкарыстоўваюцца гідраўлічныя нажніцы.

Набор нажніц, зьлева направа: для шыцьця, для паперы і кухонныя

Гісторыя

Нажніцы з археалягічных раскопак Маладэчанскага замка, XVI стагоддзе. Археолагі Міхась Ткачоў, І. У. Ганецкая, 1981, 2006 гг. Менскі абласны краязнаўчы музэй

Даволі магчыма, што нажніцы былі вынайдзеныя ў 1500 гадах да нашай эры ў старажытным Эгіпце.^[1] Самыя старыя, знойдзеныя ў Мэсапатаміі, нажніцы адносяць да 1—2 тысячагодзьдзяў да нашай эры.