Найп’іда

Найп’іда (па-бірманску: နေပြည်တော် — «каралеўская сталіца») — сталіца М’янмы з 7 лістапада 2005 году (фармальны перанос адбыўся ў сакавіку 2007 году). Разьмяшчаецца ў правінцыі Мандалай за 320 км на поўнач ад Рангуну, пабудаваная на месцы невялікай вёскі Чэп’і. Перанос сталіцы адбыўся для ўмацаваньня бясьпекі краіны: у цэнтры краіны яна зьяўляецца меней даступнай да ўдараў з мора, акрамя таго вакол гораду могуць быць абсталяваныя сховішчы на выпадак канфлікту са Злучанымі Штатамі, знаходзячыся бліжэй да нацыянальных ускраінаў, такое разьмяшчэньне зможа палепшыць іх кантроль.

Найп’іда
бірм. နေပြည်တော်
Дата заснаваньня:	2005
Горад з:	2005
Краіна:	М’янма
Правінцыя:	Мандалай
Мэр:	Каланэл Тхэін Ніюнт
Плошча:	7054,37 км²
Вышыня:	115 м н. у. м.
Насельніцтва (2007)
колькасьць:	930 000 чал.
шчыльнасьць:	131,83 чал./км²
Часавы пас:	UTC+6:30
Тэлефонны код:	067
Геаграфічныя каардынаты:	19°44′51″ пн. ш. 96°6′54″ у. д.
Найп’іда на мапе М’янмы Найп’іда
Галерэя здымкаў у Вікісховішчы

Гісторыя

З 7 лістапада 2005 году вайсковы ўрад М’янмы пачаў перанос міністэрстваў і іншых дзяржаўных установаў зь Янгону. Дакладны момант пераносу сталіцы быў абраны па астралягічных меркаваньнях, гэта было 6:36 раніцы. 11 лістапада канвой з 11 батальёнаў і адзінаццаці міністэрстваў пакінуў Рангун.

27 сакавіка 2006 году болей за 12 000 вайскоўцаў правялі першы вайсковы парад на Дзень Бірманскай арміі — гадавіну пачатку вызваленьня Бірмы ад японскай акупацыі ў 1945 годзе.