Настасься Дзьмітрук

Наста́сься Дзьмітру́к (па-ўкраінску: Анастасія Дмитрук; нар. 31 студзеня 1991 году, места Нежын, Чарнігаўскай вобласьці, Украіна) — украінская паэтка.

Вікіпэдыя мае артыкулы пра іншых асобаў з прозьвішчам Дзьмітрук.

Настасься Дзьмітрук
Анастасія Дмитрук
Асабістыя зьвесткі
Нарадзілася	31 студзеня 1991(1991-01-31) (34 гады) Нежын, Чарнігаўская вобласьць, УССР, СССР
Літаратурная дзейнасьць
Род дзейнасьці	паэтка
Мова	украінская мова і расейская мова
Настасься Дзьмітрук у Вікісховішчы

Жыцьцяпіс

Настасься нарадзілася ў месьце Нежын (цяпер у Чарнігаўскай вобласьці Ўкраіны). З 12 рокаў жыве ў Кіеве, дзе навучалася ў гімназіі, а пасьля — у Фізыка-тэхнічным інстытуце Кіеўскай палітэхнікі^[1], які скончыла ў 2014 са спэцыяльнасьцю «інфармацыйная бясьпека». Працуе на фірме па абароне інфармацыі на кампутарных сыстэмах^[1].

Творчасьць

Вершы піша з 12-гадовага ўзросту.

Вядомасьць здабыла пад час Эўрамайдану дзякуючы сваім патрыятычным вершам. У сувязі з расейскай анэксіяй Крыму напісала верш «Никогда мы не будем братьями» (па-беларуску: Ніколі мы ня будзем братамі), на які пазьней летувіскія музыкі Віргіс Пупшыс, Еранімас Мілюс, Кейстуціс Нявуліс ды Гінтаўтас Ліцінскас з хорам Клайпедзкага музычнага тэатру запісалі відэакліп^[2].

Вонкавыя відэафайлы
Вершы ў аўтарскім выкананьні
	Никогда мы не будем братьями!
	Це моя і твоя війна
	Небесній сотні присвячується
	Письмо соседу
	Я нам мира у Бога вымолю
	Небо падає!

У 2014 року выйшаў з друку зборнік вершаў Настасьсі Дзьмітрук^[3] «Верните нам наше небо»^[1] (бел. Вярніце нам нашае неба).