Ніжняя Аўстрыя
From Wikipedia, the free encyclopedia
Remove ads
Ніжняя Аўстрыя (па-нямецку: Niederösterreich) — фэдэральная зямля на паўночным усходзе Аўстрыі. Сталіца і найбуйнейшы горад — Санкт-Пёльтэн. Насельніцтва 1 581 510 чалавек (2-е месца сярод зямель; зьвесткі 2006 г.).
Сталіцай Ніжняй Аўстрыі зьяўляецца горад Санкт-Пёльтэн, насельніцтва якога складае 50 тыс. чалавек. Санкт-Пёльтэн знаходзіцца за 60 км на захад ад Вены ў раёне Мостфіртэлі. Горад разьмешчаны на рацэ Трайзэне, паміж Дунаем і перадгор’ямі Альпаў. Ён узьнік у VIII стагодзьдзі вакол абацтва сьвятога Гіпаліта і зьяўляецца адным з самых старажытных гарадоў Аўстрыі, некалі ён нават быў сталіцай краіны. З 1986 году — самы малады адміністрацыйны цэнтар Аўстрыі. Іншымі буйнымі гарадамі Ніжняй Аўстрыі зьяўляюцца гарады Вінэр Нойштат (39 тыс. чалавек), Крэмс (23,5 тыс. чалавек) і Вайдгофэн-на-Ібсе (11,5 тыс. чалавек), якія маюць асаблівы рэгіянальны статус.
На поўначы мяжуе з Чэхіяй, на ўсходзе — са Славаччынай, на паўднёвым усходзе — з фэдэральнай зямлёй Бургенляндам, на поўдні — з фэдэральнай зямлёй Штырыяй і на захадзе — зь Верхняй Аўстрыяй. Галоўнай ракой Ніжняй Аўстрыі зьяўляецца Дунай.
У Ніжняй Аўстрыі разьмешчана мясцовасьць Вахаў, уключаная ў сьпіс Сусьветнай спадчыны.
Remove ads
Асобы
Вонкавыя спасылкі
- Niederosterreich | state, Austria (анг.) Britannica.com
Wikiwand - on
Seamless Wikipedia browsing. On steroids.
Remove ads