Нікадэм Іваноўскі

Нікадэм Эразм Іваноўскі (па-польску: Nikodem Erazm Iwanowski; па-летувіску: Nikodemas Erazmas Ivanovskis; 1844, маёнтак Парагі, Жамойць – 23 студзеня 1931, маёнтак Парагі, Жамойць, Летува) – польскамоўны пісьменьнік, мастак, публіцыст і бацька пісьменьніцаў Лазьдзіну Пяледа^[1].

Нікадэм Іваноўскі
польск. Nikodem Erazm Iwanowski
Асабістыя зьвесткі
Нарадзіўся	1844(1844) Парагі, Жамойць
Памёр	23 студзеня 1931 Парагі, Жамойць
Жонка	Караліна Іваноўская
Дзеці	Сафія Іванаўскайце-Пшыбіляўскене, Марыя Іванаўскайце-Ластаўскене, Густаў Іваноўскі
Літаратурная дзейнасьць
Род дзейнасьці	Мастак, пісьменьнік, публіцыст
Мова	Польская
Значныя творы	Biała dziewica (1883)

Жыцьцяпіс

Бацькамі Нікадэма былі Ксавер Фэлікс Іваноўскі і Юзэфа Тамашэвіч. Дзед – Ян Іваноўскі быў судзьдзёй Шавельскага павету^[2].

Род Іваноўскіх паходзіў з ваколіцаў Полацку, гэта значыць зь беларускіх зямель Вялікага Княства Літоўскага, адкуль у 1684 годзе прыехаў у Жамойць^[3].

Нікадэм навучаўся жывапісу ў Варшаве і Мюнхэне (у траўні 1869 г. падаў дакумэнты ў Акадэмію прыгожых мастацтваў – Antikenklasse: паступіў 12 красавіка 1870 г.). Пэўны час жыў таксама ў Варшаве^[4].

Пісаў артыкулы для «Biesiada Literacka», а таксама аповесьці, вершы і баляды на польскай мове. Ліставаўся зь вядучымі польскімі пісьменьніцамі таго часу: Элізай Ажэшкай і Марыяй Канапніцкай^[5].

Як жывапісец ён вядомы сваімі рэлігійнымі карцінамі, знойдзенымі ў жамойцкіх касьцёлах. Дочкамі Нікадэма былі сёстры Іваноўскія: Сафія Іванаўскайце-Пшыбіляўскене і Марыя Іванаўскайце-Ластаўскене, якія разам выкарыстоўвалі псэўданім Lazdynų Pelėda (Ляшчынная Сава).

Зь іх Марыя спачатку пісала па-польску для польскіх часопісаў. Пазьней абедзьве сястры пісалі па-летувіску. Іхны бацька Нікадэм Іваноўскі размаўляў у тым ліку і па-летувіску, але пісаў па-польску.

Творы

1883: Biała dziewica: powieść.

1886: Parya: powieść indyjska.

1907: Iš po žemės šventos.