Ніка Шлётэрбэк

Ніка Шлётэрбэк (па-нямецку: Nico Schlotterbeck; нар. 1 сьнежня 1999 году) — нямецкі футбаліст, цэнтральны абаронца дортмундзкага клюбу «Барусія» і нацыянальнай зборнай Нямеччыны.

Ніка Шлётэрбэк
Пэрсанальная інфармацыя
Нарадзіўся	1 сьнежня 1999(1999-12-01)[1] (25 гадоў) Вайблінген[d], Штутгарт[d], Бадэн-Вюртэмбэрг, Нямеччына
Рост	1,91 м
Пазыцыя	цэнтральны абаронца
Клюбная інфармацыя
Клюб	Барусія Дортмунд
Нумар	4
Клюбы
Гады	Клюб	Гульні (галы)¹
2018—2020	Фрайбург II[d]	25 (2)
2019—2022	Фрайбург	49 (4)
2020—2021	→ Уніён Бэрлін	16 (1)
2022—	Барусія Дортмунд	84 (6)
Зборныя
2018	Нямеччына (да 20)[d]	3 (0)
2019—2021	Нямеччына (да 21)[d]	13 (3)
2022—	Нямеччына	20 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 30 сакавіка 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 24 сакавіка 2025.

Кар’ера

Клюбная

Яшчэ хлопцам прайшоў акадэміі некалькіх футбольных клюбаў, апошнім зь якіх быў «Фрайбург». Менавіта ў гэтым клюбе дэбютаваў 9 сакавіка 2019 году ў прафэсійным футболе, замяніўшы ў другім тайме матчу супраць «Гэрты» Філіпа Ленарта^[2]. У ліпені 2020 году абаронца на год перайшоў да складу «Ўніёну» паводле дамовы арэнды. У 2021 годзе вярнуўся ў «Фрайбург». Поруч з клюбам у 2022 годзе дасягнуў фіналу Кубка Нямеччыны, дзе каманда саступіла ў сэрыі пасьляматчавых пэнальці. Шлётэрбэк у тым матчы быў абраны найлепшым футбалістам^[3]. 2 траўня 2022 году дортмундзкая «Барусія» абвесьціла аб падпісаньні з Шлётэрбэкам пяцігадовую дамову, якая мусіла пачаць дзеіць з сэзону 2022—2023 гадоў^[4]. Паводле крыніцаў абаронца каштаваў клюбу 25 мільёнаў эўра^[5].

Міжнародная

Быў выкліканы да складу нацыянальнай зборнай Нямеччыны трэнэрам Гансі Флікам на кваліфікацыйныя матчы да чэмпіянату сьвету 2022 году. Дэбютаваў у складзе зборнай у таварыскім матчы супраць зборнай Ізраілю 27 сакавіка 2022 году^[6].