Ніна Ватацы

Ні́на Бары́саўна Вата́цы^[2] (14 траўня 1908, Цэсіс — 3 жніўня 1997) — беларускі бібліёграф. Заслужаны дзеяч культуры БССР (1963)^[3].

Ніна Ватацы
Асабістыя зьвесткі
Нарадзілася	14 траўня 1908(1908-05-14) Цэсіс, Ліфляндзкая губэрня, Расейская імпэрыя
Памерла	3 жніўня 1997(1997-08-03) (89 гадоў) Менск, Беларусь
Пахаваная	Паўночныя могілкі[d]
Літаратурная дзейнасьць
Род дзейнасьці	літаратуразнаўца, бібліёграф, літаратар
Мова	беларуская мова[1] і расейская мова[1]
Узнагароды

Жыцьцяпіс

Нарадзілася ў горадзе Вэндэн Ліфляндзкай губэрні (сучасны Цэсіс у Латвіі). Скончыла Беларускі дзяржаўны ўнівэрсытэт ў 1930 годзе. З 1930 году працавала ў Дзяржаўнай бібліятэцы БССР (з 1945 году — галоўны бібліёграф)^[3].

Навуковая дзейнасьць

Друкавалася з 1932 году. Асноўныя працы па беларускай літаратуры і літаратуразнаўстве. Адшукала і апублікавала невядомыя тэксты, аўтографы і фатаздымкі Максіма Багдановіча, склала літаратурны альбом пра яго жыцьцё і творчасьць (сумесна з Алегам Лойка, 1968) і зборнік успамінаў і біяграфічных матэрыялаў «Шлях паэта» (1975), бібліяграфічны паказальнік твораў, аўтографаў і крытычнай літаратуры «Максім Багдановіч» (1977)^[3].