Оршанский вестник (1915)

«Оршанский вестник» — штодзённая грамадзка-палітычная газэта была ўтвораная ў 1915 годзе, была органам Расейскай сацыял-дэмакратычнай рабочай партыі й Бунда.

Оршанский вестник
Тып	штодзённая
Галоўны рэдактар	Хаім Маісеявіч Іоселевіч
Заснаваная	10 лютага 1915
Закрытая	9 красавіка 1918
Палітыка	Расейская Аб’яднаная Саціял-Дэмакратычная партыя і Бунд
Мова	расейская і беларуская, польская, ідыш
Штаб-кватэра	Ворша, Магілёўская вул.

Выдавалася зь 10 лютага 1915 да 9 сакавіка 1918 году ў Воршы на чатырох мовах: расейскай, беларускай, польскай і ідыш. Рэдактар-выдавец газэты Хаім Маісеявіч Іоселевіч — уласьнік друкарні ў Воршы^[1]. Выйшла 1040 нумароў^[2]. Адрас рэдакцыі: Ворша, Магілёўская вул. 64.

Газэта асьвятляла мясцовыя навіны, унутранае й міжнароднае становішча краіны, падзеі на франтах 1-й сусьветнай вайны. Прыхільна сустрэла Лютаўскую рэвалюцыю 1917 году, агітавала за падтрымку Часовага ўрада, скліканьне Ўстаноўчага сходу й вайну да пераможнага канца. Выступіла супраць кастрычніцкага перавароту 1917 г. Інфармавала пра беларускі нацыянальны рух, выступленьне ў Воршы Першага таварыства беларускай драмы і камэдыі (паведамленьні «Сярод беларусаў», «Беларускія спэктаклі» і інш.). Друкавала лірычныя вершы, апавяданьні і нарысы мясцовых аўтараў.