Паблё Казальс

Паў Казальз і Дэфільё (па-каталянску: Pau Casals i Defilló, [ˈpaw kəˈzaɫz i dəfiˈʎo]; 29 сьнежня 1876, Вэндрэль, Гішпанія — 22 кастрычніка 1973, Сан-Хуан, Пуэрта-Рыка), больш вядомы як Паблё Касальс^[5][6][7] (кат. Pablo Casals) — каталёнскі віялянчэліст і дырыгент, адзін з найвыбітнейшых віялянчэлістаў першай паловы XX стагодзьдзя.

Паблё Казальс
Pau Casals i Defilló
Імя пры нараджэньні	Паў Казальз і Дэфільё
Нарадзіўся	29 сьнежня 1876(1876-12-29)[1][2][3][…] El Vendrell[d], Баш-Панадэс[d][4]
Памёр	22 кастрычніка 1973(1973-10-22)[1][2][3][…] (96 гадоў) Сан-Хуан, ЗША[4]
Пахаваны	Cementiri del Vendrell[d]
Жанр	клясычная музыка і сардана[d]
Прэміі	Charles E. Lutton Man of Music Award[d] (1974) залаты мэдаль Каралеўскага філярманічнага таварыства[d] (1912) медаль міру ААН[d] (1971) Hijo Adoptivo de Barcelona[d] (16 чэрвеня 1934) медаль Уолтэра Уілсана Кобета[d] ганаровы доктар Універсітэта Манпелье[d] (1946)

Жыцьцяпіс

Навучаўся музыцы зь дзяцінства, пасьля займаўся ў музычнай школе ў Барсэлёне. У 13-гадовым узросьце ў букіністычнай краме знайшоў ноты шасьці сюітаў Баха для віялянчэлі і вучыўся іграць іх цягам 13 гадоў^[8]. У 14-гадовым узросьце даў сольны канцэрт у Барсэлёне. Атрымаўшы каралеўскую стыпэндыю, працягнуў навучаньне ў мадрыдзкай кансэрваторыі (1893).

У 1895 зьехаў у Парыж, дзе ў адсутнасьць стыпэндыі зарабляў ігрой у тэатральным аркестры. У наступным року вярнуўся ў Каталёнію, выкладаў у музычнай школе ў Барсэлёне. У 1897 выступаў салістам у складзе Мадрыдзкага сымфанічнага аркестру.

З 1899 выступаў за мяжой — у Вялікабрытаніі, Францыі, Нідэрляндах, ЗША, Паўднёвай Амэрыцы.

У 1914 Казальс ажаніўся з амэрыканскай сьпявачкай С’юзэн Мэткальф.