Падбродзьдзе

Падбродзьдзе (па-летувіску: Pabradė) — горад у Летуве, знаходзіцца ў Сьвянцянскім раёне Віленскага павету. Горад адносіцца да этнаграфічнага рэгіёну Аўкштота. Падбродзе знаходзіцца на рацэ Жэймяне, пры ўпадзеньні ў яе ракі Дубінкі. Горад аддалены ад Сьвянцянаў на 38 км. Да 1939 году горад уваходзіў у склад Польшчы (Сьвянцянскі павет), зьяўляўся буйным чыгуначным вузлом на лініі Варшава — Дзьвінск.

Падбродзьдзе
лет. Pabradė
Герб Падбродзьдзя
Першыя згадкі:	XV стагодзьдзе
Горад з:	1919
Краіна:	Летува
Павет:	Віленскі
Раён:	Сьвянцянскі
Плошча:	11,11 км²
Вышыня:	124 м н. у. м.
Насельніцтва (2018)
колькасьць:	5459 чал.
шчыльнасьць:	491,36 чал./км²
Часавы пас:	UTC+2
летні час:	UTC+3
Паштовы індэкс:	18175
Геаграфічныя каардынаты:	54°59′0″ пн. ш. 25°46′0″ у. д.
Падбродзьдзе на мапе Летувы Падбродзьдзе
Галерэя здымкаў у Вікісховішчы
http://www.svencionys.lt/lit/I_pradzia

Войска

На 2021 год на вайсковым палігоне ў Падбродзьдзі за 15 км ад беларуска-летувіскай мяжы знаходзілася батальённая тактычная група^[1].

Гісторыя

Першыя ўспаміны аб Падбродзе датуюцца канцом XV стагодзьдзя. У гэтыя час гэта выла невялікая вёска, у якой да 1928 году не было нават школы. У канцы ХІХ стагодзьдзя, разам з пракладкай Варшаўска-Пецярбурскай чыгункі, у паселішчы значна ўзрасла колькасьць насельніцтва (да 312 хатаў). Большасьсь жыхароў была непісьменная, і тыя хто меў дастаткова грошаў езьдзіў вучыцца ў Беларусь у Кемелішкі^{[Крыніца?]}.

У 1905 годзе ў вёсцы Баярэле, каля Падбродзьдзя (цяпер гэта частка гораду), была пабудавана трохгадовая пачатковая школа. Усе тры клясы вучыліся ў адным пакоі.

У 1919 годзе праездам да роднага дома ў вёсцы Зулаве, тут затрымаўся Юзэф Пілсудзкі. Жыхары зьвярнуліся да маршала з просьбай надаць Падбродзю статуса гораду і гэты статус быў атрыманы^{[Крыніца?]}.

У 1928 годзе пачалася пабудова сямігадовай школы. Праз тры гады, у 1931 годзе будова была скончана і школа атрымала імя Пілсудзкага.

У 1939 годзе горад, разам зь Віленшчынай быў далучаны да БССР, але ў 1940 годзе адыйшоў да Летувіскай ССР.