Пажар у катэдры Парыскай Божай Маці

Пажар у катэдры Парыскай Божай Маці ў Парыжы (Францыя) пачаўся 15 красавіка 2019 року незадоўга да 18:50 CEST. Пажар прывёў да сур’ёзных разбурэньняў будынка, у прыватнасьці абвальваньню шпіля і дахі, пашкоджаньня ўнутранага ўбраньня сабора. Дакладнае інфармацыі пра наступствы і магчымую выніковую захаванасьць будынка пакуль што няма.

Пажар у катэдры Парыскай Божай Маці
Краіна	Францыя
Месца	Парыж
Тып катастрофы	пажар
Прычына	усталёўваецца
Дата	15 красавіка 2019 року
Наступствы
Загінулі	0 чал.[1]
Параненыя	3[1][2]
Пацярпелі	1
Каардынаты	48°51′11″ пн. ш. 2°20′59″ у. д.
Пажар у катэдры Парыскай Божай Маці на мапе Францыі Пажар у катэдры Парыскай Божай Маці
Выявы па тэме «Пажар у катэдры Парыскай Божай Маці» ў Вікісховішчы

Апісаньне

Пажар пачаўся ў верхняй частцы будынка. У выніку пажару была разбураная частка цэнтральнага шпіля і абрынуўся дах. Людзі, што месьціліся на востраве Сытэ, дзе разьмешчаны сабор, былі эвакуяваныя; ніхто не пацярпеў^[3]. На час пажару ў саборы была заплянаваная імша.

Паводле інфармацыі міністра ўнутраных справаў Францыі, у тушэньні агню былі занятыя 400 пажарных^[4]. Пажарная авіяцыя не выкарыстоўвалася пры тушэньні пажару празь небясьпеку для зьмешчаных паблізу людзей, а таксама для ацалелых канструкцыяў будынка, што могуць яшчэ больш пацярпець ад рэзкага перападу тэмпэратуры^[5].

Прычыны

Прычыны пажару першапачаткова былі неразумелыя. Мяркуецца, што яны могуць быць зьвязаныя з рэстаўрацыйнымі працамі, якія праводзяцца ў будынку. У самым саборы першапачаткова было шмат драўляных часткаў, а будаўнічыя лясы толькі пагоршылі сытуацыю^[6].

Папярэднія вынікі

МУС Францыі заявіла, што асноўныя канструкцыі сабора захаваныя; з скарбніцы Нотр-Даму быў выратаваны цярновы вянок Езуса Хрыстуса; аконныя ружы XIII стагодзьдзя, верагодна, зьнішчаныя^[7].