Пахаваньне Гедзіміна (карціна Казімера Альхімовіча)

«Пахаваньне вялікага князя Гедзіміна» (па-польску: Pogrzeb wielkiego księcia Gedymina) — вялікае гістрычнае палатно Казімера Альхімовіча, намаляванае ў 1888 годзе. Захоўваецца ў зборы Нацыянальным музэі ў Кракаве.

Пахаваньне вялікага князя Гедзіміна
Польская мова: Pogrzeb wielkiego księcia Gedymina, Летувіская мова: Paveikslas, kuriame yra vaizduojamos Lietuvos didžiojo kunigaikščio Gedimino laidotuvės
Мастак	Казімер Альхімовіч
Год	1888
Тып	алей, палатно
Памеры	220 × 350
Месцазнаходжаньне	Нацыянальны музэй у Кракаве, Кракаў

Палатно зь вялікім посьпехам дэманстравалася на выстаўках у Пецярбургу, Вене, Варшаве, Львове і Сан-Францыска, а сам мастак атрымаў некалькі высокіх узнагарод^[1].

Апісаньне

Вялікі князь Гедымін вёў абарончую вайну з Тэўтонскім ордэнам, паводле паданьня ваяваў на поўдні Русі да Пуціўля і Бранску, зрабіў Вільню сталіцай Вялікага княства Літоўскага. У сьнежні 1341 году загінуў пры аблозе ордэнскага замку Баербург.

Тэма карціны — смутак ад незваротнасьці цяжкай страты. З гушчару непраходнай пушчы выходзяць на шырокую паляну ваяры Гедыміна, якія нясуць на руках цела ўладара. Схіліўшы галовы, сьледам за імі грамадзяцца простыя людзі ў белых вопратках і лапцях. Побач — магутныя дубы й елкі. А над усім гэтым — цяжкія сьвінцовыя хмары, толькі ўдалечыні відаць нейкае сьвятло як сымбаль надзеі, што справа Гедыміна па абароне дзяржавы будзе працягнута^[1].