Паўднёваамэрыканскі кубак

Паўднёваамэрыканскі кубак (па-гішпанску: Copa Sudamericana) — штогадовае міжнароднае клюбнае спаборніцтва па футболе, якое ладзіць арганізацыя КОНМЭБОЛ з 2002 году^[1]. Гэта другое паводле прэстыжу клюбнае спаборніцтва ў паўднёваамэрыканскім футболе. Клюбы КОНКАКАФ раней запрашаліся да ўдзелу ў турніры ў пэрыяд з 2004 па 2008 гады. Не зважаючы на тое, што першы розыгрыш адбыўся толькі ў 2002 годзе, кубак, насамрэч, быў уведзены замест асобных Кубка Мэрканортэ і Кубка Мэркасур^[1]. З часу стварэньня спаборніцтва ладзілася з рознаў колькасьцю раўндаў, колькасьцю ўдзельнікаў і фарматам правядзеньня турніру. Пераможца Паўднёваамэрыканскага кубка атрымлівае права гуляць у Рэкопе Паўднёвай Амэрыкі. Акрамя таго, пераможца атрымлівае квоту на ўдзел у розыгрышу Кубка Лібэртадорэс на наступны год. Аргентынскія клюбы маюць найбольшую колькасьць перамог у турніры, асабліва «Бока Хуніёрс» і «Індэпэнд’ентэ», але посьпехаў таксама дамагаліся і іншыя краіны, як то Бразылія і Эквадор.

Паўднёваамэрыканскі кубак
Лягатып кубка, які выкарыстоўваецца з сэзону 2017 году
Заснаваны	2002
Колькасьць камандаў	56
Дзейны чэмпіён	Расінг — 1-ы тытул (2024)
Найбольш пасьпяховы клюб	Бока Хуніёрс, Індэпэнд’ентэ, Атлетыку Паранаэнсі, Індэпэнд’ентэ дэль Вальле — 2 тытула
Вэб-сайт	www.copasudamericana.com
2025