Петрапаўлаўск-Камчацкі

Петрапаўлаўск-Камчацкі (па-расейску: Петропавловск-Камчатский) — горад на Далёкім Усходзе Расеі, адміністрацыйны цэнтар Камчацкага краю. Насельніцтва на 2015 год — 181 015 чалавек. Разьмешчаны ў паўднёва-ўсходняй частцы паўвостраву Камчатка, на берагах Авачынскай бухты Ціхага акіяну. Непадалёк ад гораду знаходзяцца вулканы Каракская Сопка й Авачынская Сопка. Месца дысьлякацыі базы Ціхаакіянскага флёту Расеі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Петрапаўлаўск.

Петрапаўлаўск-Камчацкі
рас. Петропавловск-Камчатский
Выгляд гораду з боку Авачынскай бухты, далей відаць вулькан Карацкая сопка
Герб Петрапаўлаўску-Камчацкага Сьцяг Петрапаўлаўску-Камчацкага
Дата заснаваньня:	1740
Горад з:	1812
Краіна:	Расея
Суб’ект фэдэрацыі:	Камчацкі край
Кіраўнік:	Konstantin Viktorovich Bryzgin[d]
Плошча:	362,14 км²
Вышыня:	150 м н. у. м.
Насельніцтва (2015)
колькасьць:	181 015 чал.
шчыльнасьць:	499,85 чал./км²
Тэлефонны код:	+7 415,4152
Паштовыя індэксы:	6830xx
Геаграфічныя каардынаты:	53°1′0″ пн. ш. 158°39′0″ у. д.
Петрапаўлаўск-Камчацкі на мапе Расеі Петрапаўлаўск-Камчацкі
Галерэя здымкаў у Вікісховішчы
http://www.pkgo.ru

Гісторыя

Упершыню расейцы дабраліся да Камчаткі і, у тым ліку, да Авачынскай бухты, у 1697 годзе — гэта былі казакі на чале з Уладзімерам Атласавым, якія заснавалі там астрог. 17 кастрычніка 1740 году сюды прычалілі два пакетботы Другой Камчацкай экспэдыцыі, якая мела месца ў 1733—1743 гадох, на чале зь Вітусам Бэрынгам і Аляксеем Чырыкавым — дата, якая лічыцца днём заснаваньня гораду. Але заснавальнікам гораду зьяўляецца штурман мічманскага рангу Іван Ялагін, які па загадзе Бэрынга прыбыў у Авачынскую бухту 10 чэрвеня 1739 году і заснаваў там расейскае пасяленьне. Назву Петрапаўлаўскі астрог атрымаў пазьней ад імёнаў караблёў-пакетботаў «Сьвяты апостал Пётар» і «Сьвяты апостал Павал».

У 1924 горад быў пераназваны ў Петрапаўлаўск-Камчацкі, каб адрозьніваць яго ад Петрапаўлаўску ў Казахстане. 1 ліпеня 2007 горад становіцца адміністрацыйным цэнтрам Камчацкага краю. 3 лістапада 2011 гораду прысвоена званьне Горад воінскай славы.

Насельніцтва

На 1 студзеня 2015 году насельніцтва Петрапаўлаўску-Камчацкага складала 181 015 чалавек — 104 месца сярод 1114 гарадоў Расеі. Найбольшая колькасьць насельніцтва ў горадзе была зафіксаваная ў 1989 годзе — 268 743 чалавек, пасьля чаго да 2010 году насельніцтва гораду пастаянна памяншалася, і толькі з 2011 зноў назіраўся невялічкі прырост (179 800 чал.), які аднак, усё яшчэ чаргуецца з памяншэньнем.

Паводле перапісу 2010 году, найбольш прадстаўнічымі нацыяльнасьцямі сярод жыхароў гораду зьяўляюцца расейцы — 142 361 чал. (79,19 %), украінцы — 6399 чел. (3,56 %), татары — 1341 чел. (0,75 %) ды беларусы — 1064 чел. (0,59 %). Пражываюць у горадзе і прадстаўнікі шэрагу іншых нацыянальнасьцяў: азэрбайджанцы, карэйцы, армяне, каракі, ітэльмэны, немцы і інш.

Славутасьці

Помнік Вітусу Бэрынгу

• Камчацкі дзяржаўны аб’яднаны музэй
• Камчацкі краявы мастацкі музэй
• Музэй ласосю
• Помнік Вітусу Бэрынгу (1826)
• Магіла ангельскага мараплаўцы Чарльза Кларка (1913)
• Помнік Жану-Франсуа Ляпэрузу (1892)

Па-за горадам

• Даліна гейзэраў
• Вульканы (Казельскі, Авачынская Сопка, Карацкая Сопка)

Асобы

• Алег Ерафееў (нар. 1940) — расейскі адмірал
• Анатоль Магілёў (нар. 1955) — украінскі палітык
• Ігар Сьмірноў (нар. 1941) — прэзыдэнт Прыднястроўя ў 1992—2011 гадах

Вонкавыя спасылкі

Петрапаўлаўск-Камчацкі — сховішча мультымэдыйных матэрыялаў

• Камчацкі форум
• Фатаздымкі Камчаткі