Пліна

Пліна — возера ва Ўшацкім раёне Віцебскай вобласьці. Знаходзіцца за 5 км на захад ад Ушачаў, каля вёскі Пліна.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Пліна (неадназначнасьць).

Возера Пліна Краіна Беларусь Плошча 0,87 км² Плошча вадазбору 14,6 км² Максымальная глыбіня 18,2 м Найбольшая даўжыня 2,56 км Найбольшая шырыня 0,51 км Даўжыня берагавой лініі 6,58 км Вышыня над узроўнем мора 137 м[1] Аб’ём вады 6,01 млн м³ Каардынаты 55°10′44.28″ пн. ш. 28°31′5.18″ у. д. Пліна на мапе Беларусі Пліна

Возера знаходзіцца ў басэйне ракі Ушача. Плошча Пліны складае 0,87 км². Найбольшая глыбіня возера — 18,2 м. Даўжыня возера — 2,56 км, найбольшая шырыня — 0,51 км. Даўжыня берагавой лініі — 6,58 км. Аб’ём вады ў возеры складае 6,01 млн м³, плошча вадазбору возера — 14,6 км².

Схілы катлавіны возера маюць вышыню да 17 м. На поўдні і поўначы вышыня схілаў складае 5—8 м. На захадзе схілы разараныя, на ўсходзе знаходзяцца пад выпасам. Берагі возера нізкія, на паўночным захадзе — сплавінныя.

Возера мае 2 выспы, агульная плошча якіх складае 6 га (0,06 км²). Ложа ўскладненая ўпадзінамі і мелямі.

Дно вадаёма ў прыбярэжнай частцы пяшчанае, на большых глыбінях — глеістае.

Шырыня паласы прыбярэжнай расьліннасьці складае да 25 м.

У возера ўпадаюць 7 ручаёў і канаў, таксама выцякае ручай у возера Утвіна.