Погань Шчэцін

«По́гань» (па-польску: Pogoń) — польскі футбольны клюб з гораду Шчэціна. Заснаваны ў 1948 годзе. Назва клюбу адсылае да Пагоні, спрадвечанага сымбаля ВКЛ.

Погань
Поўная назва	па-польску: Pogoń Szczecin Spółka Akcyjna[1][2]
Заснаваны	1948
Горад	Шчэцін, Польшча
Стадыён	Стадыён імя Флёрыяна Крыгера Умяшчальнасьць: 18 027
Галоўны трэнэр	Енс Густафсан[d][3]
Чэмпіянат	Экстракляса
· 2024—2025	4 месца
Галерэя здымкаў у Вікісховішчы pogonszczecin.pl (пол.)

Гісторыя

Клюб быў закладзены палякамі зь Львова па Другой сусьветнай вайне, калі стала зразумела, што Львоў застанецца ў складзе СССР. Фундатарамі клюбу былі былыя заўзятары львоўскай «Погані», у выніку чаго колеры навастворанага клюбу адпавядалі колерам колішняй львоўскай дружыны. Апроч «Погані» бытамская «Палёнія» і апольская «Одра» таксама былі закладзеныя былымі львоўцамі.

Гісторыя клюбу пачалася 21 красавіка 1948 году, калі ў Шчэціне быў закладзены клюбу «Шторм». Гэты клюб меў сэкцыі па футболе і боксе. У сакавіку 1949 году некалькі спартовых клюбаў гораду, як то «Шторм», «Цукроўнік», «Друкар» і «Паштовы», аб’ядналіся ў адзіны клюб, які атрымаў назву «Зьвязковец». Назоў падкрэсьліваў, што клюб быў створаны шляхам аб’яднаньня некалькіх камандаў. Новы клюб заняў месца «Паштовага» ў элітным дывізіёне мясцовага першынства. У лістападзе 1950 году клюб быў расфармаваны, але на ягоным месцы паўстаў клюб «Калеяж». Гэтая дружына мела падтрымку з боку Шчэцінскага порту. У 1953 году яна ўзяла ўдзел у спаборніцтве, зарганізаваным паміж некалькімі ваяводзтвамі. У ім акрамя «Калеяжу» бралі ўдзел клюбы зь Зялёнай Гуры, Познані ды іншых мясьцінаў. Увосень 1955 году «Калеяж» зьмяніў назоў на «Погань», як даніна памяці былому львоўскаму клюбу з тым жа назовам.

У 1958 годзе «Погань» стала пераможцам Паўночнай групы Другога дывізіёну Міжваяводзкай лігі, дзякуючы чаму атрымала месца ў Экстраклясе. У дэбютным матчы шчэцінцы атрымалі паразу на хатнім стадыёне ад варшаўскай «Гвардыі» зь лікам 0:1. У 1960 годзе «Погань» страціла месца ў Экстраклясе, але ў 1962 годзе вярнулася зноўку ў найвышэйшы дывізіён. На працягу большай часткі 1960-х і 1970-х каманда спаборнічала ў найвышэйшай польскай лізе, але звычайна ня мела посьпехаў. Усё зьмянілася на пачатку 1980-х, то бок «Погань» двойчы запар дасягала фіналу Кубка Польшчы, але трывала паразы спачатку ад варшаўскай «Легіі», а потым ад познанскага «Леху». У 1984 годзе каманда кваліфікавалася ў Кубак УЭФА, трапіўшы ў тройкі прызэраў айчыннага першынства. У дэбютным супрацьстаяньні супраць «Кёльну» польская дружына двойчы зьведала паразы і скончыла свой шлях у эўрапейскім турніры. На той час колеры «Кёльну» абаранялі такія зоркі футболу, як то Гаральд Шумахэр, П’ер Літбарскі і Кляўс Аляфс.

Склад

Актуальны на 20 ліпеня 2025 году

№ Пазыцыя Імя Год нараджэньня 2 Аб Мар’ян Гуя  1999 4 Аб Леў Боржэс  2001 6 ПА Ян Беганскі  2002 7 Нап Муса Джувара  2001 8 ПА Фрэдрык Ульвэстад  1992 9 Нап Эўтыміс Кулюрыс  1996 10 Нап Адрыян Пшыборак  2007 11 Нап Каміль Грасіцкі (капітан) 1988 13 Аб Дымітрас Кераміцыс  2004 14 ПА Хасэ Поса  1996 17 Аб Якуб Ліс  2002 18 Нап Пол Мукайру  2000 19 ПА Мор Ндыяй  2000 20 Нап Патрык Парызэк  2006

№ Пазыцыя Імя Год нараджэньня 22 Аб Даніель Лончар  1997 28 Аб Лінус Вальквіст 1996 29 Нап Матэвуш Бонк 2003 31 Бр Кшыштаф Камінскі  1990 32 Аб Леанарда Кутрыс  1995 35 ПА Мацей Вайцяхоўскі 2007 36 Аб Якуб Завадзкі 2008 47 ПА Натан Лява 2009 55 Нап Рэніер  2003 61 ПА Кацпэр Смалінскі  2001 77 Бр Валянтын Кажакару  1995 91 Бр Якуб Бохняж 2009 99 Нап Кацпэр Костаж  1999